ហុងកុង៖ មេដឹកនាំហុងកុងលោក ចន លី បានអះអាងនៅថ្ងៃព្រហស្បតិ៍ទី៥ ខែធ្នូថា លោកបានជំនួសតំណែងមន្ត្រីជាន់ខ្ពស់ពីររូប ដើម្បីប្រយោជន៍សង្គម និងសេដ្ឋកិច្ចជាអតិបរមា និងជួយហុងកុងក្នុងការលើកកម្ពស់គោលទេសចរណ៍ដូចប្រទេសផ្សេងៗទៀត ខណៈការណ៍នេះគឺជាការផ្លាស់ប្ដូរដែលមិននឹកស្មានដល់។
ហុងកុងបានជួបផលលំបាកក្នុងការទាក់ទាញឡើងវិញក្នុងចំណោមភ្ញៀវទេសចរអន្តរជាតិ បន្ទាប់ពីការបិទខ្ទប់ទ្រាយធំកាលពីឆ្នាំ២០១៩ ជុំវិញច្បាប់ដ៏តឹងរ៉ឹងដែលត្រូវបានដាក់កំលុងពេលជំងឺរាតត្បាតកូវីដ-១៩។
លោក លី បានប្រាប់អ្នកសារព័ត៌មានក្នុងសន្និសីទសារព័ត៌មានថា លោកបានសង្កេតមើលស្ថានភាពមួយរយៈសិនមុនពេលសម្រេចចិត្តបណ្តេញ និងជំនួសតំណែងលោក ខេវីន យឹង (Kevin Yeung) ជាលេខាធិការផ្នែកវប្បធម៌ កីឡា និងទេសចរណ៍ និងលោក ឡាំ សៃហ៊ុង (Lam Sai-hung) ជាលេខាធិការដឹកជញ្ជូន និងដឹកជញ្ជូន។ ជាមួយគ្នា លោក លី បានលើកឡើងថា៖«យើងបានឆ្លងកាត់ការរីករាលដាលនៃមេរោគឆ្លងកូវីដ១៩។ [..]ខ្ញុំចង់បង្កើតផលប្រយោជន៍សង្គម និងសេដ្ឋកិច្ចដ៏ធំបំផុតសម្រាប់ហុងកុង»។
ការផ្លាស់ប្ដូរនេះ លោក លី បានលើកឡើងថា លោកស្រី ម៉ាប៊ល ចាន់ (Mable Chan) នឹងចូលកាន់តំណែងជាលេខាធិការដឹកជញ្ជូន ខណៈលោកស្រី រ៉ូសានណា ឡអ៍ (Rosanna Law) នឹងក្លាយជាលេខាធិការកីឡា វប្បធម៌ និងទេសចរណ៍ថ្មី ខណៈស្ត្រី ទាំង ពីរ រូបនេះ បាន ធ្វើ ការ ឱ្យ រដ្ឋាភិបាល ជាង ៣០ ឆ្នាំ មក ហើយ។
លោក លី បានកត់សម្គាល់ថា៖« យើង ខិតខំ ធ្វើ ឱ្យ កាន់តែ ល្អ គ្រប់ ពេល វេលា ។ លេខាធិការថ្មីទាំងពីរនឹងបំពេញតួនាទីបានល្អក្នុងការដឹកនាំ និងសមត្ថភាពរបស់ពួកគេក្នុងការពន្យល់អំពីគោលនយោបាយឱ្យបានច្បាស់លាស់»។
រដ្ឋាភិបាលហុងកុងបាននិងកំពុងព្យាយាមទាក់ទាញភ្ញៀវអន្តរជាតិជាមួយនឹងព្រឹត្តិការណ៍កីឡា និងវប្បធម៌ ក៏ដូចជាសន្និសីទខ្នាតធំផងដែរ។ គួរបញ្ជាក់ថា ភ្ញៀវទេសចរប្រមាណជាង៣៦លាននាក់ បានទៅទស្សនាទីក្រុងហុងកុងក្នុងរយៈពេល១០ខែរហូតដំបូងនៃឆ្នាំ២០២៤។ អាជ្ញាធរសង្ឃឹមថានឹងឈានដល់៤៦លាននាក់នៅឆ្នាំ២០២៤នេះ។ នេះយោងតាមទិន្នន័យចុងក្រោយរបស់រដ្ឋាភិបាល។ យ៉ាងណា តួលេខនៅតែទាបជាងកម្រិតមុនកូវីដ-១៩ ខណៈឆ្នាំ២០១៨ ហុងកុងបើកទ្វារស្វាគមន៍ភ្ញៀវទេសចរច្រើនជាង៦៥លាននាក់៕
