អឺរ៉ុប បែងចែកទឹកប្រាក់ ៣០០លានអឺរ៉ូ សម្រាប់គម្រោងលទ្ធកម្មការពារជាតិ ក្នុងចំណោមរដ្ឋជាសមាជិក
ប្រ៊ុចសែល៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៤ ខែវិច្ឆិកាថា គណៈកម្មការអឺរ៉ុបកាលពីថ្ងៃព្រហស្បតិ៍បានប្រកាសផ្តល់មូលនិធិសម្រាប់គម្រោងលទ្ធកម្មការពារឆ្លងព្រំដែនចំនួន៥ ក្នុងគោលបំណងសម្រួលកិច្ចសហប្រតិបត្តិការក្នុងចំណោមរដ្ឋជាសមាជិកសហភាពអឺរ៉ុប (EU)។
គណៈកម្មាការបានឲ្យដឹងនៅក្នុងសេចក្តីថ្លែងការណ៍មួយថា គម្រោងទាំងនេះ គាំទ្រដោយ ការពង្រឹងឧស្សាហកម្មការពារអឺរ៉ុប តាមរយៈលទ្ធកម្មរួម (EDIRPA) ម្នាក់ៗនឹងទទួលបាន ៦០លានអឺរ៉ូ (៦៣.៦លានដុល្លារអាមេរិក) ដែលសរុបជាថវិកា ៣០០លានអឺរ៉ូ។
លោកស្រី Margrethe Vestager អនុប្រធានប្រតិបត្តិសម្រាប់អឺរ៉ុបដែលស័ក្តិសមសម្រាប់យុគសម័យឌីជីថលបានឲ្យដឹងថា នេះជាលើកដំបូងដែលយើងប្រើប្រាស់ថវិការបស់សហភាពអឺរ៉ុបដើម្បីគាំទ្រដល់រដ្ឋជាសមាជិកក្នុងការទិញផលិតផលការពារជាតិជាទូទៅ។
លោកស្រីបានបន្ថែមថា នេះនឹងផ្តល់នូវតម្លៃកាន់តែប្រសើរឡើងសម្រាប់ថវិកាការពារជាតិ ពង្រឹងអន្តរប្រតិបត្តិការនៃកងកម្លាំងប្រដាប់អាវុធអឺរ៉ុប និងពង្រឹងឧស្សាហកម្ម។
គម្រោងទាំងនោះរួមមានការទិញប្រព័ន្ធការពារអាកាស និងកាំជ្រួច រថពាសដែកទំនើប និងគ្រាប់រំសេវ។
គណៈកម្មាការបានបញ្ជាក់នៅក្នុងសេចក្តីថ្លែងការណ៍របស់ខ្លួនថា គម្រោងចំនួនប្រាំដែលត្រូវបានជ្រើសរើសពាក់ព័ន្ធនឹងរដ្ឋសមាជិកចំនួន២០ ដែលមួយចំនួននឹងចូលរួមក្នុងគម្រោងលទ្ធកម្មការពារជាតិរួមគ្នាជាលើកដំបូង។
