ឯកឧត្តម អ៊ុំ រាត្រី អញ្ជើញជាអធិបតីភាពក្នុងពិធីចាប់ឆ្នោតក្បាលដីជូនប្រជាពលរដ្ឋ ៣៥គ្រួសារ ដែលនៅជាប់មាត់ស្ទឹង ព្រះពន្លា
បន្ទាយមានជ័យ៖ ប្រជាពលរដ្ឋ រស់នៅភូមិ៣ សង្កាត់ព្រះពន្លា ត្រេកអរ ថ្លែងអំណរគុណដល់ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ដែលបានផ្តល់ទីតាំងថ្មីសម្រាប់ពួកគាត់រស់នៅ លែងលំបាករស់នៅតាមមាត់ស្ទឹងសីរីសោភ័ណ (ស្ទឹងព្រះពន្លា) ដេីម្បីចូលរួមអភិវឌ្ឍន៍ “សួនតេជោសន្តិភាព ” ដែលជាសមិទ្ធផលថ្មីសម្រាប់ក្រុងសិរីសោភ័ណ ហេីយការទទួលបាននេះមិនមានការបង្ខិតបង្ខំឡេីយ គឺស្ម័គ្រចិត្តទទួលយកការដោះដូរ ដេីម្បីការអភិវឌ្ឍសួនច្បារថ្មី ។
ដោយថ្ងៃទី២៧ ខែតុលា ឆ្នាំ ២០២៤ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានអញ្ជើញជាអធិបតីភាពក្នុងពិធីចាប់ឆ្នោតក្បាលដីជូនប្រជាពលរដ្ឋ៣៥គ្រួសារ ដែលនៅជាប់មាត់ស្ទឹង ទីតាំងអភិវឌ្ឍន៍សួនច្បារថ្មី នៅមាត់ស្ទឹងសិរីសោភ័ណ ស្ថិតនៅភូមិ៣ សង្កាត់ព្រះពន្លា ក្រុងសោភ័ណ។
ជាមួយនឹងការដោះដូរដីជូនប្រជាពលរដ្ឋនៅទីតាំងអភិវឌ្ឍន៍សួនតេជោសន្តិភាព ឯកឧត្តម អ៊ុំ រាត្រី ក៏បានធ្វើការចាក់ដីបំពេញបន្ថែមជូនដល់ប្រជាពលរដ្ឋដែលទទួលយកនូវការដោះដូរដី សម្រាប់អភិវឌ្ឍន៍សួនច្បារថ្មី ដោយនៅក្នុងគម្រោង ការអភិវឌ្ឍន៍សួនច្បារថ្មី ក៏មានការចាក់ផ្លូវបេតុងសងខាងផ្លូវ បង្កភាពងាយស្រួលប្រជាពលរដ្ឋមកលេងកំសាន ្ត ហាត់ប្រាណ និងធ្វេីដំណេីរជាដេីម។
សូមបញ្ជាក់ថា ឯកឧត្ដម អ៊ុំ រាត្រី អភិបាល នៃគណៈអភិបាលខេត្ត និងលោកជំទាវ បានកែប្រែមាត់ស្ទឹងព្រះពន្លា ទៅជាសួនច្បារថ្មី មានឈ្មោះ ថា “សួនតេជោសន្តិភាព” ដែលមានទីតាំងស្ថិតនៅសង្កាត់ព្រះពន្លា ដោយមានការបំពាក់បង្គោលភ្លើង,ដាំដើមឈើ , កន្លែងចំណតរថយន្ត និងផ្លូវបេតុងធំទូលាយ។ ក្នុងនោះក៏មានសាងសង់ស្តូបដែលមានកម្ពស់៩.៣៣ម៉ែត្រផងដែរ៕
