ឯកឧត្តម ប្រាក់ សំអឿន ដឹកនាំកិច្ចប្រជុំលើកទី១១របស់គណៈកម្មាធិការគ្រប់គ្រងការអនុវត្តផែនការយុទ្ធសាស្រ្តគណនេយ្យភាពសង្គមនៅថ្នាក់ក្រោមជាតិ
ភ្នំពេញ៖ នៅព្រឹកថ្ងៃទី៦ ខែកញ្ញា ឆ្នាំ២០២៤ ឯកឧត្តម ប្រាក់ សំអឿន រដ្ឋលេខាធិការក្រសួងមហាផ្ទៃ និងជាប្រធាន គ.គ.អ.ស. បានអញ្ជើញជាអធិបតីដឹកនាំកិច្ចប្រជុំលើកទី១១របស់គណៈកម្មាធិការគ្រប់គ្រងការអនុវត្តផែនការយុទ្ធសាស្រ្តគណនេយ្យភាពសង្គមនៅថ្នាក់ក្រោមជាតិ។
កិច្ចប្រជុំដោយមានការចូលរួមពី សមាជិក សមាជិកា គ.គ.អ.ស. តំណាងស្ថានទូតនានា តំណាងធនាគារពិភពលោក តំណាងអង្គការសង្គមស៊ីវិល តំណាងអង្គការទស្សនៈពិភពលោកប្រចាំកម្ពុជា និងអ្នកពាក់ព័ន្ធសរុបចំនួន ៦៦រូបស្រី១៨រូប។
កិច្ចប្រជុំនេះមានរបៀបវារៈដូចខាងក្រោម៖
១. ប្រកាសសមាសភាព របស់ គ.គ.អ.ស.
២. បទបង្ហាញអំពីវឌ្ឍនភាព បញ្ហាប្រឈមនៃការអនុវត្តការងារគណនេយ្យភាពសង្គម
៣. សេចក្តីរាយការណ៍ អំពីលទ្ធផលនៃកិច្ចប្រជុំលើកទី២ របស់ក្រុមការងារបច្ចេកទេសគណនេយ្យភាពសង្គម (ក.ប.គ.ស.)
៤.ពិនិត្យ និងអនុម័តទៅលើសៀវភៅណែនាំអំពីនិមិត្តសញ្ញាគណនេយ្យភាពសង្គម
៥. វេទិការសំណួរ/ចម្លើយរួម និងកិច្ចពិភាក្សាការងារពាក់ព័ន្ឋផ្សេងៗទៀត៕
