ឧត្តមសេនីយ៍ទោ សិទ្ធិ ឡោះ ចាត់តំណាងនាំយកថវិកា(ស.ម.ន) ទៅប្រគល់ជូនក្រុមគ្រួសារសពលោកអនុសេនីយ៍ឯក ង៉ាន់ សុវង្ស នាយរងផ្នែកអន្តោប្រវេសន៍នៃអធិការដ្ឋាននគរបាលក្រុងសិរីសោភ័ណ
ភ្នំពេញ៖ ដោយមានការយកចិត្តទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ជាប្រធានសមាគមមិត្តនគរបាលជាតិកម្ពុជាថ្នាក់មូលដ្ឋាន នៃស្នងការដ្ឋាននគរបាលខេត្តបន្ទាយមានជ័យ នៅរសៀលថ្ងៃទី១៥ ខែសីហា ឆ្នាំ២០២៤ បានចាត់ឲ្យ លោកឧត្តមសេនីយ៍ត្រី វង្ស វិត ស្នងការរង ទទួលផែនការងារធនធានមនុស្ស រួមដំណើរដោយលោកវរសេនីយ៍ឯក ស៊ី ឌី អធិការនៃអធិការដ្ឋាននគរបាលក្រុងសិរីសោភ័ណ និងមានការចូលរួមពីកងកម្លាំងនគរបាលនៃអធិការដ្ឋាននគរបាលក្រុងសិរីសោភ័ណជាច្រើនរូប បាននាំយកថវិកាចំនួន៧លាន៥សែន៩ម៉ឺនរៀល ក្នុងនោះចំនួន៦លានរៀល ជាថវិការបស់សមាគមមិត្តនគរបាលជាតិកម្ពុជា និង១លាន៥សែន៩ម៉ឺនរៀលទៀតជាថវិកាបានមកពីការចូលរួមរបស់ថ្នាក់ដឹកនាំនិងមន្ត្រីនគរបាលនៃអធិការដ្ឋាននគរបាលក្រុងសិរីសោភ័ណនិងគ្រឿងឧប ភោគ បរិភោគ មានអង្ករចំនួន៥០គ-ក្រ ,មី៣កេស,ទឹកសុទ្ធ១០យួរ,ទឹក្រូច៣កេសធំ ទៅប្រគល់ជូនក្រុមគ្រួសារសពលោកអនុសេនីយ៍ឯកង៉ាន់ សុវង្ស នាយរងផ្នែកអន្តោប្រវេសន៍នៃអធិការដ្ឋាននគរបាលក្រុងសិរីសោភ័ណ ដែលបានទទួលមរណភាពដោយសារជំងឺប្រចាំកាយនៅថ្ងៃទី១៤ ខែសីហា ឆ្នាំ២០២៤ ។
សពលោកអនុសេនីយ៍ឯកង៉ាន់ សុវង្ស ត្រូវបានក្រុមគ្រួសាររៀបចំធ្វើបុណ្យតាមប្រពៃណី នៅគេហដ្ឋាននៃសពស្ថិតក្នុងភូមិអ្នកតា សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ។
ថ្លែងនាឱកាសដ៏ក្រៀមក្រំនោះលោកឧត្តមសេនីយ៍ត្រី វង្ស វិត ស្នងការរង ទទួលផែនការងារធនធានមនុស្ស បានពាំនាំការចូលរួមរំលែកនូវមរណទុក្ខដ៏ក្រៀមក្រំនិងចូលរួមសោកស្តាយជាមួយក្រុមគ្រួសារសពពីសំណាក់លោកឧត្តមសេនីយ៍ទោ សិទ្ធិ ឡោះស្នងការនគរបាលខេត្តបន្ទាយមានជ័យ និងរូបលោកផ្ទាល់ ចំពោះការបាត់បង់ស្វាមី លោកឪពុក ជីតា ជាទីគោរពស្រឡាញ់ដ៏ជ្រាលជ្រៅ ដែលធ្លាប់បានផ្តល់នូវព្រហ្មវិហារធម៌ចំពោះក្រុមគ្រួសារនាគ្រាកន្លងមក។ មួយវិញទៀតការស្លាប់របស់ លោកអុសេនីយ៍ឯក ង៉ាន់ សុវង្ស គឺជាការបាត់បង់មន្ត្រីនគរបាល១រូប នៃស្នងការដ្ឋាននគរបាលខេត្តបន្ទាយមានជ័យ និយាយជារួមនិងនិយាយដោយឡែកអធិការដ្ឋាននគរបាលក្រុងសិរីសោភ័ណ បានបាត់បង់មន្ត្រីនគរបាល០១រូបដែលធ្លាប់មានស្នាដៃ បំពេញភារកិច្ចបានល្អក្នុងកាតព្វកិច្ចការពារសន្តិសុខ សណ្តាប់ធ្នាប់ សុវត្ថិភាពជូនប្រជាពលរដ្ឋ។
លោកឧត្តមសេនីយ៍ត្រី ស្នងការរង បានបញ្ជាក់ថា៖ថវិកាចំនួន៦លានរៀលនេះគឺជាថវិការបស់សមាគមមិត្តនគរបាលជាតិកម្ពុជា ដែលផ្តួចផ្តើមឡើងដោយឯកឧត្តម នាយឧត្តមសេនីយ៍ អគ្គស្នងការនរបាលជាតិ ក្នុងគោលបំណងជួយគ្នាទៅវិញទៅមកចំពោះមន្ត្រីនគរបាលជាតិ ចាប់ពីថ្នាក់លើដល់ថ្នាក់ក្រោមដែលមានទុក្ខធុរៈក្នុងគ្រួសារ ក្នុងនោះមន្ត្រីនគរបាលជាសមាជិក មរណភាពទទួលបានថវិកាចំនួន៦លានរៀល ស្វាមីឬភរិយារបស់សមាជិក មរណភាពទទួលបានថវិកាចំនួន២លានរៀលផងដែរ៕
