ឯកឧត្តម ឈា ប៊ុនរិទ្ធ អញ្ជើញចុះពិនិត្យ និងផ្ទៀងផ្ទាត់តម្រាយផ្លូវគម្រោងព្រែកជីកហ្វូណនតេជោ ក្នុងភូមិសាស្ត្រខេត្តតាកែវ

ភ្នំពេញ៖ នៅថ្ងៃចន្ទ ៨កើត ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១២ ខែសីហា ឆ្នាំ២០២៤ នេះ ឯកឧត្តម ឈា ប៊ុនរិទ្ធ រដ្ឋលេខាធិការប្រចាំការក្រសួងធនធានទឹក និងឧតុនិយម និងជាអនុប្រធានក្រុមការងារបច្ចេកទេសពិសេសទទួលបន្ទុកលើការកំណត់និយាមកា និងការរៀបចំផែនទីលម្អិតគម្រោងព្រែកជីកហ្វូណនតេជោ បានអញ្ជើញអមដំណើរឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការនិងដឹកជញ្ជូន និងជាប្រធានក្រុមការងារ ចុះពិនិត្យ និងផ្ទៀងផ្ទាត់តម្រាយផ្លូវគម្រោងព្រែកជីកហ្វូណនតេជោ ក្នុងភូមិសាស្ត្រខេត្តតាកែវ។

សូមជម្រាបថា ក្នុងដំណើរចុះបេសកកម្មពិនិត្យតម្រាយផ្លូវគម្រោងព្រែកជីកហ្វូណនតេជោ ក៏មានការចូលរួមពីសមាជិកនៃក្រុមការងារ អភិបាល អភិបាលរងនៃគណៈអភិបាលខេត្តតាកែវ និងមន្ទីរពាក់ព័ន្ធ ព្រមទាំងអាជ្ញាធរដែនដីគ្រប់លំដាប់ថ្នាក់។

ក្នុងឱកាសនោះ ក្រុមការងារបានអញ្ជើញចុះពិនិត្យ និងផ្ទៀងផ្ទាត់ទីតាំងមួយចំនួន នៅលើស្ទឹងអង្គរបុរី និងប្រឡាយ១៥ ចាប់ពីទីរួមស្រុកអង្គរបុរី រហូតដល់ទីរួមខេត្តតាកែវ។

សូមបញ្ជាក់ថា នៅថ្ងៃទី១៣ ខែសីហា ឆ្នាំ២០២៤ ក្រុមការងារនឹងបន្តដំណើរចុះបេសកកម្មពិនិត្យ និងផ្ទៀងផ្ទាត់តម្រាយផ្លូវគម្រោងព្រែកជីកហ្វូណនតេជោ ក្នុងភូមិសាស្រ្តខេត្តកំពត និងខេត្តកែប ៕