សាលាភូមិន្ទរដ្ឋបាល នឹងរៀបចំជ្រើសរើសសិក្ខាកាម ដើម្បីធ្វើការបណ្តុះបណ្តាលរយៈពេលខ្លី វគ្គការកាត់តែងលិខិតរដ្ឋបាល និងលិខិតបទដ្ឋានគតិយុត្ត

ភ្នំពេញ៖ សម្រាប់ឆ្នាំ២០២៤ សាលាភូមិន្ទរដ្ឋបាល នឹងរៀបចំជ្រើសរើសសិក្ខាកាម ដើម្បីធ្វើការបណ្តុះបណ្តាលរយៈពេលខ្លី វត្តការកាត់តែងលិខិតរដ្ឋបាល និងលិខិតបទដ្ឋានគតិយុត្ត(រយៈពេល ៣០ម៉ោង) សិក្សាតាមប្រព័ន្ធអនឡាញ ។

លក្ខខណ្ឌជ្រើសរើស៖ ត្រូវមានលិខិតតាំងស៊ប់ក្នុងក្របខណ្ឌ ឬលិខិតដែលមានតម្លៃស្មើ។ ចំនួនសិក្ខាកាមដែលជ្រើសរើសចូលសិក្សា ខាងលើ មានចំនួន មិនលើស៤០នាក់ ក្នុង១ថ្នាក់ ហើយវេនសិក្សា៖ ថ្ងៃចន្ទ-ពុធ-សុក្រ ឬថ្ងៃសៅរ៍និងថ្ងៃអាទិត្យ។

មន្ត្រីរាជការ និងយោធិន ឬមន្ត្រីនគរបាលជាតិ ដែលមានបំណងសិក្សាវត្តខាងលើ អាចចុះឈ្មោះសិក្សាតាម រយៈប្រព័ន្ធអនឡាញដោយចូលទៅកាន់តំណភ្ជាប់ចុះឈ្មោះ៖https://go.gov.kh/era/regletterwriting ឬតាមរយៈ QR code ខាងក្រោម ដោយគិតចាប់ពីថ្ងៃជូនដំណឹងនេះរហូតដល់ថ្ងៃទី៣០ ខែវិច្ឆិកា ឆ្នាំ២០២៤ ដោយត្រូវភ្ជាប់ឯកសារចូល ក្នុងប្រព័ន្ធរួមមាន៖ អត្តសញ្ញាណប័ណ្ណឬសំបុត្រកំណើត និងលិខិតតាំងស៊ប់ក្នុងក្របខណ្ឌ ឬលិខិតដែលមានតម្លៃស្មើ ។

បញ្ជាក់៖ ការទទួលបានសិទ្ធិចូលសិក្សាបន្ទាប់ពីពិនិត្យត្រឹមត្រូវលើលក្ខខណ្ឌរបស់បេក្ខជនរួចរាល់ សាលានឹងផ្តល់ ព័ត៌មានត្រឡប់ជូនបេក្ខជនតាមរយៈអ៊ីម៉ែលរបស់សាមីខ្លួន ដើម្បីបំពេញលក្ខខណ្ឌបន្តបន្ទាប់ពីក្រុមការងារដែលបានពិនិត្យ និងផ្ទៀងផ្ទាត់ព័ត៌មានតម្រូវរួចរាល់ ហើយសាលាភូមិន្ទរដ្ឋបាលនឹងរៀបចំបើកវគ្គនីមួយៗ តាមចំនួនដែលបានកំណត់ខាងលើ៕