ឯកឧត្តម វ៉ាន់ ដារ៉ា ជួបសំណេះសំណាល សួរសុខទុក្ខ និងនាំយកអំណោយជូនបងប្អូនប្រជាពលរដ្ឋដែលមានជីវភាពខ្វះខាត នៅក្នុងឃុំល្អាង និងឃុំព្រៃថ្នង

ភ្នំពេញ៖ នាព្រឹកថ្ងៃទី៣ ខែសីហា ឆ្នាំ២០២៤ ឯកឧត្តម វ៉ាន់ ដារ៉ា តំណាងរាស្រ្តមណ្ឌលខេត្តកំពត និងជាសមាជិកគណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយម នៃរដ្ឋសភា(គណៈកម្មការទី៣) និងអាជ្ញាធរមូលដ្ឋាន ព្រមទាំងយុវជន បានអញ្ជើញជួបសំណេះសំណាល និងនាំយកអំណោយជូនបងប្អូនប្រជាពលរដ្ឋដែលមានជីវភាពខ្វះខាត ចំនួន២៥គ្រួសារមកពីឃុំល្អាង ស្រុកដងទង់ និងឃុំព្រៃថ្នង ស្រុកទឹកឈូ ខេត្តកំពត ដែលពិធីនេះប្រារព្ធនៅវត្តអាយុយឺនយូរ ស្ថិតនៅភូមិល្អាង ឃុំល្អាង ស្រុកដងទង់ ខេត្តកំពត។

ឯកឧត្តម វ៉ាន់ ដារ៉ា បានពាំនាំប្រសាសន៍សួរសុខទុក្ខពីសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា សម្តេចរដ្ឋសភាធិបតី ឃួន សុដារី ប្រធានរដ្ឋសភា ជូនប្រជាពលរដ្ឋទាំងអស់ និងប្រសាសន៍ថ្លែងអំណរគុណដល់ប្រជាពលរដ្ឋចំពោះការគាំទ្រការដឹកនាំរបស់រាជរដ្ឋាភិបាលក្នុងអាណត្តិទី៦កន្លងមក និងសូមឲ្យបន្តការជឿជាក់លើការដឹកនាំក្នុងអាណត្តិទី៧ បន្តទៀត ដែលមាន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី និងថ្នាក់ដឹកនាំបន្តវេនវ័យក្មេងផ្សេងទៀត ដើម្បីបន្តរក្សាសុខសន្តិភាព និងការអភិវឌ្ឍ។

ក្នុងឱកាសនោះ ឯកឧត្តម និងក្រុមការងារ បានផ្តល់អំណោយជូនប្រជាពលរដ្ឋចំនួន២៥គ្រួសារ ដោយមួយគ្រួសារៗទទួលបាន៖ អង្ករ មី ត្រីខ ទឹកត្រី ទឹកសុីអុីវ និងថវិកាមួយចំនួនផងដែរ៕