លោកជំទាវ ផាណា វ៉ឺនីដា ជួបពិភាក្សាការងារជាមួយលោក Supapat Hib-o-sod អគ្គទីប្រឹក្សានៃស្ថានទូតថៃប្រចាំកម្ពុជាទទួលបន្ទុកគ្រឿងញៀន
ភ្នំពេញ៖ នាថ្ងៃទី១ ខែសីហា ឆ្នាំ២០២៤ លោកជំទាវ ផាណា វ៉ឺនីដា អគ្គលេខាធិការរង នៃគណៈកម្មាធិការសហប្រតិបត្តិការអភិវឌ្ឍន៍កម្ពុជា បានជួបពិភាក្សាការងារជាមួយលោក Supapat Hib-o-sod អគ្គទីប្រឹក្សានៃស្ថានទូតថៃប្រចាំកម្ពុជាទទួលបន្ទុកគ្រឿងញៀន អមដោយកញ្ញា Pyavan Rakpanich លេខាទី១ នៃស្ថានទូតថៃប្រចាំកម្ពុជា និងលោកឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណ: នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន។
គោលបំណងនៃកិច្ចពិភាក្សាគឺ ១) ជម្រាបពីគោលបំណងការគាំទ្រនៃគំនិតផ្តួចផ្តើមរបស់ រាជរដ្ឋាភិបាលថៃតាមរយ:ទីភ្នាក់ងារសហប្រតិបត្តិការអន្តរជាតិថៃឡង់ដ៏ (TICA) ដើម្បី សិក្សាលើគំលើគម្រោងសាលារៀនស គ្មានគ្រឿងញៀន ដោយផ្អែកលើបទពិសោធន៌ដែលបានអនុវត្តជោគជ័យនៅប្រទេសឡាវ ។ ២). ជម្រាបជូនអំពីការរៀបចំកិច្ចប្រជុំវាយតម្លៃពាក់កណ្តាលអាណត្តិនៃការអនុវត្តផែនការកិច្ចសហប្រតិបត្តិការដើម្បីអភិវឌ្ឍន៍រយៈពេល ៣ឆ្នាំ (២០២៣-២០២៥) ដែលគ្រោងរៀបចំអំឡុងពាក់កណ្តាលខែសីហា ឆ្នាំ២០២៤ នៅរាជធានីភ្នំពេញ
