សារមន្ទីរជាតិ នឹងរៀបចំពិព័រណ៍ «រូបចម្លាក់ខ្មែរដែលប្រគល់ត្រឡប់មកកម្ពុជាវិញ» រយៈពេលកន្លះឆ្នាំ
ភ្នំពេញ៖ ដើម្បីអបអរព្រះរាជ្រពិធីចម្រើនព្រះជន្មហ្លួងម៉ែ សារមន្ទីរជាតិ នឹងរៀបចំបើកពិព័រណ៍ «រូបចម្លាក់ខ្មែរដែលប្រគល់ត្រឡប់មកព្រះរាជាណាចក្រកម្ពុជាវិញ» រយៈពេល៦ខែ ដោយគិតចាប់ពីថ្ងៃទី១៨ ខែមិថុនា រហូតដល់ថ្ងៃទី១៨ ខែធ្នូ ឆ្នាំ២០២៤។
សារមន្ទីរជាតិកម្ពុជានៅថ្ងៃទី១៧ ខែមិថុនា ឆ្នាំ២០២៤ បានជូនដំណឹងថា ក្នុងឱកាសព្រះរាជពិធីចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ សារមន្ទីរជាតិកម្ពុជា មានកិត្តិយសជម្រាបជូនសាធារណជនមេត្តាជ្រាបថា សារមន្ទីរជាតិកម្ពុជានឹងបើកពិព័រណ៍មួយស្តីពី «រូបចម្លាក់ខ្មែរដែលប្រគល់ត្រឡប់មកព្រះរាជាណាចក្រកម្ពុជាវិញ» រយៈពេល៦ខែ ចាប់ពីថ្ងៃអង្គារទី១៨ ខែមិថុនា ដល់ថ្ងៃពុធទី១៨ ខែធ្នូ ឆ្នាំ២០២៤»។
គួរជម្រាបថា បើតាមការចុះផ្សាយរបស់ក្រសួងវប្បធម៌ និងវិចិត្រសិល្ប: អំពីសារមន្ទីរជាតិកាលពីថ្ងៃទី១៧ ខែមករា ឆ្នាំ២០១៤ បង្ហាញថា សារមន្ទីរជាតិនៅរាជធានីភ្នំពេញជាសារមន្ទីរធំជាងគេនៅប្រទេសកម្ពុជា ដែលជាទីតាំងប្រមូលផ្ដុំសម្បត្តិវប្បធម៌ និងប្រវត្តិសាស្ត្រដ៏សំខាន់។
សារមន្ទីរជាតិមានរក្សាទុករូបសំណាក និងភស្ដុតាងប្រវត្តិសាស្ត្រកម្ពុជា ចំនួនជាង១ម៉ឺន៤ពាន់ តាំងពីសម័យបុរេប្រវត្តិ សម័យអង្គរ និងសម័យក្រោយៗមកទៀត។
សារមន្ទីរជាតិនេះ ត្រូវបានកសាងនៅថ្ងៃទី១៥ ខែសីហា ឆ្នាំ១៩១៧ តាមរបៀបស្ថាបត្យកម្ម ប្រពៃណីខ្មែរ ហើយត្រូវបានសម្ពោធក្នុងឆ្នាំ១៩២០ ដោយព្រះបាទស៊ីសុវត្ថិ។ ផ្នែកខាងក្នុងនៃសារមន្ទីរជាតិ មានតម្កល់វត្ថុបុរាណសល់តាំងពីសម័យមុនអង្គរ និងសម័យអង្គរ ជាការប្រមូលថែរក្សាទុកដ៏ល្អសម្រាប់ពិភពលោក ធ្វើការស្រាវជ្រាវអំពីវត្ថុបុរាណសិល្បៈ សាសនាបុរាណវិទ្យាខ្មែរតាំងពីសតវត្សរ៍ទី៤ រហូតដល់សតវត្សរ៍ទី១៣។ ផែ្អកតាមសិ្ថតិនៃភ្ញៀវក្នុងស្រុកទស្សនា សារមនី្ទរជាតិបង្ហាញថា កំណើតភ្ញៀវក្នុងស្រុកចាប់កើនខ្ពស់ពីឆ្នាំ១៩៩៧មក ហើយកំណើននេះកើនឡើងខ្ពស់ ជាងភ្ញៀវបរទេស។ សិ្ថតិនេះបញ្ជាក់ឱ្យឃើញថា ប្រជាពលរដ្ឋខែ្មរបានចាប់អារម្មណ៍កាន់តែច្រើនឡើងចំពោះវិស័យសិល្បៈ វប្បធម៌ខែ្មរ ពិសេសនិស្សិតដែលមកពីបណ្តាស្ថាប័នអប់រំខេត្តក្រុងនានា។
ក្នុងទិសដៅលើកកម្ពស់ការយល់ដឹងរបស់ប្រជាពលរដ្ឋអំពីសិល្បៈវប្បធម៌ខែ្មរជាពិសេសសំដៅចំពោះយុវជនជំនាន់ក្រោយ ដែលជាទំពាំងស្នងឫស្សី។ សារមនី្ទរបានផ្តល់ឱកាសបម្រើជូនសិស្សនិស្សិតព្រះសង្ឃ និងកងទ័ពចូលទស្សនាដោយឥតគិតថៃ្ល។ ចំពោះប្រជាពលរដ្ឋទូទៅត្រូវទិញសំបុត្រក្នុងតមៃ្លទាប ប្រាំរយរៀលបើបៀ្របធៀបទៅនឹងតមៃ្លសំបុត្រចូលទស្សនាសម្រាប់ជនបរទេស ដែលមានតមៃ្ល២ដុល្លារ។ ក្នុងចំណោមភ្ញៀវទស្សនាសារមនី្ទរជាតិក៏មានភ្ញៀវជាគណៈប្រតិភូ ក្នុងស្រុក និងបរទេសចូលទស្សនា សារមនី្ទរជាតិជាផ្លូវការដែរ ៕
