ភ្នំពេញ៖ ក្រោយរៀបរាប់ប្រាប់ទាំងស្ទើស្រក់ទឹកភ្នែកប្អូនស្រីម្នាក់បានឲ្យដឹងថា ម្តាយខ្លួនបានសម្រេចលក់ផ្ទះមួយខ្នងដែលជាកេរ្តិ៍នៃការចាប់ដៃគ្នាជាមួយប្តីដោយមិនបានប្រាប់ហេតុផលមួយមាត់ ព្រមទាំងដេញកូនៗចេញពីផ្ទះយ៉ាងវេទនា។
ក្នងវ័យជាង២០ ឆ្នាំឈ្មោះ សោម ស្រី នាថ ហៅក្រៅ ម៉ាលី ( ជាបងស្រី )នឹងមានប្អូនប្រុសម្នាក់ឈ្មោះ សោម តុលា ភេទប្រុសបាននិយាយរៀបរាប់អំពីរឿងរ៉ាវគ្រួសារដែលមានការលែងលះគ្នា ប្ដឹងផ្ដល់គ្នាឡេីងតុលាការ ។
ម៉ាលីបានលើកឡើងថាដេីមឡើយគ្រួសាររបស់ពួកគាត់ រស់នៅប្រកបដោយសុភមង្គល មិនដែលមានរឿងរកាំរកុះឡេីយ ។ តែមួយរយៈក្រោយមក ម្ដាយរបស់គាត់ មានអាការៈប្លែកខុសប្រក្រតី ហើយតែងតែរករឿងលែងលះគ្នា ជាមួយឪពុករបស់ខ្ញុំ ។ រហូតមានការប្ដឹងផ្ដល់គ្នា ឡើងតុលាការ ១ ដងជា ២ ដង ដែលភាគីខាងម្ដាយរបស់ខ្ងុំ បានសរសេរពាក្យបណ្ដឹងបំភ្លៃការពិត ថាឪពុករបស់ខ្ញុំ ប្រេីប្រាស់អំពេីហិង្សាទៅលេីគាត់ នឹង រៀបអាពាហ៍ពិពាហ៍ដោយមិនមានសំបុត្រអាពាហ៍ពិពាហ៍ដែលបញ្ជាក់ដោយអាជ្ញាធរ ។
ម៉ាលីបានឲ្យដឹងថាតុលាការក៏បានកោះហៅឪពុក ឲ្យចូលទៅបំភ្លឺ នៅពេលដែលឪពុករបស់ខ្ញុំ ប្អូនខ្ញុំ នឹងខ្ញុំ ចូលទៅបំភ្លឺ ហើយក៏បង្ហាញភស្តុតាងមួយចំនួនដូចជា៖ សំបុត្រអាពាហ៍ពិពាហ៍ -ល- ។ ខាងគេក៏សុំថត ឯកសារទាំងនោះទុក ហើយក្រោយមក ភាគីខាងម្ដាយរបស់ខ្ញុំ ក៏រៀបចំឯកសារពាក្យបណ្តឹងថ្មី ដោយបញ្ចូលសំបុត្រអាពាហ៍ពិពាហ៍ជាដេីម -ល- ទៅជាមួយ ។ហើយក្រោយមកតុលាការក៏បាន កាត់ក្ដីអោយខាងឪពុករបស់ខ្ញុំចាញ់ ដោយត្រូវអោយភាគីខាងម្ដាយ ប្រគល់លុយអោយខាងឪពុក ដេីម្បីចុះចេញពីផ្ទះ ។ ប៉ុន្តែម្ដាយរបស់ខ្ញុំមិនមានលុយ ប្រគល់អោយឪពុករបស់ខ្ញុំនោះទេ ហើយគាត់ក៏សម្រេចចិត្តលក់ផ្ទះ ដោយមិនពិភាក្សាជាមួយកូនៗនោះទេ ។ ហើយគាត់ក៏ដឹងដែរថា ប្រសិនបើលក់ផ្ទះនឹងទៅ កូនៗនឹងគ្មានទីជំរកនោះទេ ។ គាត់ក៏បានឲ្យអាជ្ញាធរ មកដេញពួកខ្ងុំចេញពីផ្ទះ។
ម៉ាលីនិយាយទាំងទឹកមុខស្រងូតស្រង៉ាត់ថា៖”សព្វថ្ងៃនេះ ពួកខ្ញុំកំពុងស្នាក់អាស្រ័យជាមួយគេ ទាំងវេទនា “។
ទាំងទឹកមុខក្រៀបក្រំម៉ាលីថាខ្ញុំទទួលបានអយុត្តិធម៌ណាស់បង ព្រោះថាតាំងពីកើតជាមួយគ្រួសារមកគ្មានសុភមង្គលនោះទេ។ ពោលគឺខ្ញុំរស់នៅជាមួយឪពុកម្តាយមែន តែឪពុកជាអ្នកមើលថែរហូត ម្តាយគ្រាន់តែអ្នកផ្តល់លុយតែប៉ុណ្ណោះ។
ម៉ាលីបាននិយាយទៀតថា តាំងពីដើមឡើងពួកគេនិងក្រុមគ្រួសាររស់មិនដែលមានទំនាស់ទេ តែមួយពេលក្រោយមក ម្តាយរបស់នាងមានភាពប្លែក រហូតដល់បណ្តេញកូនៗនិងប្តីចេញពីផ្ទះដោយគ្មានមូលហេតុ។ លើសពីនេះបានលក់ផ្ទះរហូតដល់មានតតាំងក្តីគ្នាដល់ស្ថាប័នតុលាការ តែទោះបីជាមានការតស៊ូមតិទាំងមានមេធាវីការពារក្តីយ៉ាងណាក្តីក៏តុលាការបានកាត់សេចក្តីឲ្យឪពុកខ្លួនចាញ់ទាំងគាត់(ឪពុក)បាននិយាយអ្វីទាំងអស់។ដែលធ្វើតាមពាក្យគេថាឬឲ្យនិយាយថាកុំនិយាយស្តាប់តាមគេ។
ម៉ាលីនិយាយទៀតថាតុលាការហាក់ដូចជាអយុត្តិធម៌សម្រាប់រូបគេនិងឪពុកខ្លួនណាស់ព្រោះថាម្តាយគេបានប្តឹងទៅតុលាការមិនស្របតាមនីតិវិធីច្បាប់នោះទេ(ដូចជាមានការរៀបចំដើម្បីធ្វើស៉ីឪពុកខ្លួន)។ ដោយសារពេលខ្លះបានប្រកាសនិងបន្លំឬកែពាក្យសំដីឬឯកសារ។
ម៉ាលីបានឲ្យដឹងថាហេតុដែលគាត់ហួសចិត្តនោះគឺទោះបីជាគាត់បានប្តឹងទាស់ពីការរក្សាទុកផ្ទះជាច្រើនលើកក្តីក៏ម្តាយគាត់ក៏ឲ្យគេចូលរុះរើសម្ភារៈនឹងបណ្តេញកូនៗនិងឪពុកខ្លួនចេញពីផ្ទះ។ ម្តាយគាត់ប្រហែលជឿរតាមសំដីរបស់បងប្អូនគាត់ចាក់រុក។
យ៉ាងណាក្តីម៉ាលីក៏សុំអង្វរដល់ម្តាយសុំកុំលក់ផ្ទះនេះព្រោះកូនគ្មានអ្វីទីពឹងនោះទេ។ សព្វថ្ងៃដើរនៅផ្ទះគេ មានភាពលំបាកណាស់ ទាំងកូនៗមិនមានគ្រួសាររឹងមាំនោះទេ៕
