លោកជំទាវ រត្ន ម៉ានី អនុរដ្ឋលេខាធិការក្រសួងការបរទេស អញ្ជើញចូលរួមកិច្ចប្រជុំឧត្តមមន្ត្រីកិច្ចសន្ទនានៃកិច្ចសហប្រតិបត្តិការអាស៊ី

ភ្នំពេញ៖ នៅថ្ងៃទី៥ ខែមិថុនា ឆ្នាំ២០២៤ លោកជំទាវ រត្ន ម៉ានី អនុរដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ បានអញ្ជើញចូលរួមកិច្ចប្រជុំឧត្តមមន្ត្រីនៃកិច្ចសន្ទនាសហប្រតិបត្តិការអាស៊ី (ACD) តាមប្រព័ន្ធអនឡាញ។

កិច្ចប្រជុំបានប្រព្រឹត្តទៅក្រោមរបៀបវារៈសំខាន់ៗរួមមាន (១) ការផ្តល់អនុសាសន៍លើបេក្ខភាពដែលមានសក្តានុពលសម្រាប់មុខតំណែងជាអគ្គលេខាធិការ ACD អាណត្តិ២០២៤-២០២៧ (២) ការបញ្ចប់កិច្ចពិភាក្សាលើសេចក្តីព្រាងឯកសារស្តីពីគោលការណ៍ណែនាំសម្រាប់ដំណើរការរបស់លេខាធិការដ្ឋាន ACD និង (៣) ការត្រៀមរៀបចំសម្រាប់កិច្ចប្រជុំថ្នាក់រដ្ឋមន្រ្តី ACD លើកទី១៩ ដែលគ្រោងប្រព្រឹត្តទៅនៅក្នុងខែមិថុនា និងកិច្ចប្រជុំប្រជុំកំពូល ACD លើកទី៣ នៅដើមខែតុលា ឆ្នាំ២០២៤៕