បរទេស៖ យោងតាមការចេញផ្សាយរបស់ RT ក្រុមបាតុកររាប់រយនាក់ បានដើរដង្ហែរក្បួនក្នុងរដ្ឋធានីប៊ែរឡាំង របស់អាល្លឺម៉ង់កាលពីថ្ងៃសៅរ៍ ដោយទាមទារឱ្យបញ្ឈប់ជំនួយយោធា សម្រាប់ទីក្រុងគៀវ និងវោហាសាស្ត្រប្រឆាំងរុស្ស៊ី ដោយលើកឡើងថា វាគឺជាកិច្ចការងារដ៏គ្រោះថ្នាក់។
ព្រឹត្តិការណ៍នេះបានកើតឡើង ក្រោយសេចក្តីថ្លែងការណ៍ធ្វើឡើង ដោយរដ្ឋាភិបាលអាល្លឺម៉ង់ នៅដើមសប្តាហ៍នេះទាក់ទងនឹង ការប្រើប្រាស់អាវុធដែលផ្តល់ ដោយលោកខាងលិចរបស់អ៊ុយក្រែនសម្រាប់ការវាយប្រហារ ជ្រៅនៅក្នុងប្រទេសរុស្ស៊ី។
វីដេអូពីបាតុកម្មបង្ហាញក្រុមបាតុករដែលដើរក្បួនពី Alexanderplatz ក្នុងក្រុងប៊ែរឡាំងដោយមានទង់ជាតិ និងបដាដែលសរសេរថាបញ្ឈប់សង្រ្គាម និងពាក្យស្អប់ប្រឆាំងនឹងរុស្ស៊ី បញ្ឈប់ Russophobia ក្នុងនយោបាយ និងប្រព័ន្ធផ្សព្វផ្សាយ និង NATO គឺជាអ្នកឈ្លានពាន មិនមែនរុស្ស៊ីជាដើម។
ក្រុមសកម្មជនបានចោទប្រកាន់ រដ្ឋាភិបាលអាល្លឺម៉ង់ថា បានធ្វើការសម្រេចចិត្តនយោបាយ តាមបញ្ជាពីទីក្រុងវ៉ាស៊ីនតោន ហើយបានព្រមានអំពីផលវិបាកនៃ ជម្លោះដោយផ្ទាល់ជាមួយទីក្រុងម៉ូស្គូផងដែរ ៕
