អយ្យការអមសាលាដំបូងខេត្តបន្ទាយមានជ័យ បញ្ជូនក្រុមក្មេងទំនើង ១១នាក់ ទៅមជ្ឈមណ្ឌលបន្សាបសារធាតុញៀន
ភ្នំពេញ៖ អយ្យការអមសាលាដំបូងខេត្តបន្ទាយមានជ័យ នាថ្ងៃទី២៧ ខែឧសភា ឆ្នាំ២០២៤ បានចេញសេចក្តីប្រកាសព័ត៌មាន ឲ្យដឹងថា មានជនសង្ស័យជាក្មេងទំនើងចំនួន ១៤នាក់ ប្រើប្រាស់ម៉ូតូ ចំនួន៤គ្រឿង អត់បំពាក់ផ្លាកលេខ បានប្រមូលផ្តុំគ្នា និងបានបង្ហោះម៉ូតូតាមផ្លូវសារធារណៈ ហើយតេស្តរកឃើញមានសារធាតុញៀននៅក្នុងខ្លួន ចំនួន១១នាក់ ប្រព្រឹត្តនៅភូមិក្បាលកោះ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ កាលពីថ្ងៃទី២៤ ខែឧសភា ឆ្នាំ២០២៤។
អយ្យការអមសាលាដំបូងខេត្តបន្ទាយមានជ័យ សម្រេចបង្គាប់ឱ្យជនសង្ស័យទាំង១១នាក់ ឈ្មោះ ហុក រ៉ាយុទ្ឋ ហៅរ៉ូ ភេទប្រុស អាយុ១៦ឆ្នាំ ឈ្មោះ ឆេង ប៊ុនណេត ភេទប្រុស អាយុ២០ឆ្នាំ ឈ្មោះ អៀង គឹមហួរ ភេទប្រុស អាយុ១៨ឆ្នាំ ឈ្មោះ សយ សែន ភេទប្រុស អាយុ២០ឆ្នាំ ឈ្មោះ ចន្ធី កែវលី ភេទប្រុស អាយុ១៧ឆ្នាំ ឈ្មោះ ធូ ចាន់ថុល ភេទប្រុស អាយុ១៧ឆ្នាំ ឈ្មោះ សៅ សេងហុង ភេទប្រុស អាយុ១៩ឆ្នាំ ឈ្មោះ ដួង ដាវីន ភេទប្រុស អាយុ១៨ឆ្នាំ ឈ្មោះ យាន ដាវីត ភេទប្រុស អាយុ១៦ឆ្នាំ ឈ្មោះ លី គឹមហេង ភេទប្រុស អាយុ១៧ឆ្នាំ និងឈ្មោះ សាត គឹមសាន ភេទប្រុស អាយុ២៤ឆ្នាំ ឱ្យទៅទទួលការព្យាបាល និងស្តារនីតិសម្បទានៅមជ្ឈមណ្ឌលជិវិតថ្មីភ្នំបាក់ ពីបទល្មើសប្រើប្រាស់ដោយខុសច្បាប់នូវសារធាតុញៀន តាមមាត្រា៤៥ នៃច្បាប់ស្តីពីការត្រួតពិនិត្យគ្រឿងញៀន។
