លទ្ធផលបណ្តោះអាសន្ន នៃការបោះឆ្នោតជ្រើសរើសក្រុមប្រឹក្សា អាណត្តិទី៤ នៅខេត្តមណ្ឌលគិរី គណបក្សប្រជាជនទទួលបានទាំង១០៧សំឡេង
ភ្នំពេញ៖ លទ្ធផលបណ្តោះអាសន្ននៃការបោះឆ្នោតជ្រើសរើសក្រុមប្រឹក្សាខេត្ត ក្រុង ស្រុក អាណត្តិទី៤ ឆ្នាំ២០២៤ នៅខេត្តមណ្ឌលគិរី នាព្រឹកថ្ងៃទី២៦ ខែឧសភា ឆ្នាំ២០២៤ គណបក្សប្រជាជនកម្ពុជា ទទួលបានទាំង១០៧សំឡេង។
គ្រប់ការិយាល័យបោះឆ្នោតទាំង៥ សម្រាប់ខេត្តមណ្ឌលគិរី បានដំណើរការរាប់សន្លឹកឆ្នោត ជាលទ្ធផលគណបក្សប្រជាជនកម្ពុជាទទួលបានលទ្ធផលដូចខាងក្រោម៖
•ស្រុកកែវសីម៉ា ទទួលបាន២៧លើ២៧សំឡេង
•ស្រុកកោះញែក ទទួលបាន៣០លើ៣០សំឡេង
•ស្រុកអូររាំង ទទួលបាន១០លើ១០សំឡេង
•ស្រុកពេជ្រាដា ទទួលបាន២០លើ២០សំឡេង
•ក្រុងសែនមនោរម្យ ទទួលបាន២០លើ២០សំឡេង។
ឯកឧត្តម ថង សាវុន អភិបាលខេត្តមណ្ឌលគិរី បានអះអាងថា ចំពោះការងារសន្តិសុខសណ្ដាប់ធ្នាប់ តាមមណ្ឌល និងការិយាល័យទាំង៥ស្រុក-ក្រុង នៅខេត្តមណ្ឌលគិរី មានសន្តិសុខ សុវត្ថិភាព សណ្ដាប់ធ្នាប់ល្អ គ្មានអំពើហិង្សា និងពុំមានបាតុភាពណាមួយកើតឡើងគួរឲ្យកត់សម្គាល់នោះឡើយ ៕
