ឯកឧត្តម ជិន ម៉ាលីន អញ្ជើញបិទយុទ្ធនាការឃោសនាបោះឆ្នោត ជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៤

ភ្នំពេញ៖ ឯកឧត្តម ជិន ម៉ាលីន សមាជិកគណៈកម្មាធិការកណ្តាល និងជាអនុប្រធានទី១ ក្រុមការងារគណបក្សចុះមូលដ្ឋានស្រុកមោងឫស្សី តំណាងដ៏ខ្ពង់ខ្ពស់ ឯកឧត្តម អង្គ វង្ស វឌ្ឍានា សមាជិកគណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានស្រុកមោងឫស្សី នាថ្ងៃទី២៤ ខែឧសភា ឆ្នាំ២០២៤ បានអញ្ជើញជាអធិបតីភាពក្នុងពីធីបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុមប្រឹក្សាក្រុង ស្រុក ខណ្ឌ អាណត្តិទី៤ ក្នុងមូលដ្ឋានស្រុកមោងឫស្សី ខេត្តបាត់ដំបង។

ពិធីនេះ ក៏មានការអញ្ជើញចូលរួមពីសំណាក់ ឯកឧត្តម អ៊ុយ រី ប្រធានគណៈប្រចាំការនៃគណៈអចិន្ត្រៃយ៍គណបក្សខេត្តបាត់ដំបង និងជាប្រធានក្រុមបេក្ខជនក្រុមប្រឹក្សាខេត្តបាត់ដំបង អាណត្តិទី៤ និងឯកឧត្តម លោកជំទាវ ក្រុមការងារគណបក្សចុះមូលដ្ឋានស្រុកមោងឫស្សី ព្រមទាំងក្រុមប្រឹក្សាឃុំទាំង៩ សមាជិក សមាជិការ គណបក្សប្រជាជនកម្ពុជា និងជាអង្គបោះឆ្នោតសរុប ៤៣០ នាក់ ៕