សម្តេចធិបតី ហ៊ុន ម៉ាណែត និងលោកជំទាវបណ្ឌិត ផ្តល់អំណោយថ្នាំពេទ្យ និងសម្ភារៈមួយចំនួន ជូនដល់មន្ទីរយោធភូមិភាគទី៥
ភ្នំពេញ៖ នៅថ្ងៃទី១៣ ខែឧសភា ឆ្នាំ២០២៤ ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ បានអញ្ជើញនាំយកអំណោយរបស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ចំនួន១៥មុខ មានថ្នាំពេទ្យ និងសម្ភារៈមួយចំនួន ជូនដល់មន្ទីរយោធភូមិភាគទី៥ ស្ថិតនៅក្រុងបាត់ដំបង ខេត្តបាត់ដំបង ។
នៅក្នុងឱកាសនោះដែរ ឧត្តមសេនីយ៍ទោ សេង ធារិន បានបញ្ជាក់ថា សម្តេចបវរធិបតី និងលោកជំទាវបណ្ឌិត តែងគិតគូរដល់សុខទុក្ខ សុខុមាលភាព កងទ័ព និងគ្រួសារកងទ័ព ដោយការផ្តល់ថ្នាំ និងសម្ភារនេះ គឺសម្រាប់ជួយសម្រួលក្នុងការប្រើប្រាស់ និងព្យាបាល ទាំងកងទ័ព គ្រួសារកងទ័ព និងប្រជាពលរដ្ឋ ប្រកបដោយវិជ្ជាជីវៈ និងក្រមសីលធ៌ម៕
