និយ័តករមូលបត្រកម្ពុជា ជូនដំណឹងស្តីពីការទទួលចុះឈ្មោះចូលរួមវគ្គបណ្តុះបណ្តាលនិងការប្រឡង និងកម្មវិធីអប់រំវិជ្ជាជីវៈបន្ត ក្នុងវិស័យមូលបត្រ លើកទី២៨

ភ្នំពេញ៖ និយ័តករមូលបត្រកម្ពុជា (ន.ម.ក.) សូមជម្រាបជូនដំណឹងដល់សាធារណជន និងបុគ្គលផ្តល់សេវាក្នុងវិស័យមូលបត្រ សម្រាប់ក្រុមហ៊ុនធ្វើអាជីវកម្មមូលបត្រ ក្រុមហ៊ុនធ្វើអាជីវកម្មគម្រោងវិនិយោគរួម ក្រុមហ៊ុនបោះផ្សាយ ក្រុមហ៊ុនធ្វើអាជីវកម្មឧបករណ៍និស្សន្ទ និងក្រុមហ៊ុនផ្តល់សេវាក្នុងវិស័យមូលបត្រទាំងអស់ ព្រមទាំងសាធារណជនជ្រាបថា៖ ន.ម.ក. ចាប់ផ្ដើមទទួលការចុះឈ្មោះចូលរួមវគ្គបណ្ដុះបណ្ដាលនិងការប្រឡង និងកម្មវិធីអប់រំវិជ្ជាជីវៈបន្តក្នុងវិស័យមូលបត្រ លើកទី២៨ ចាប់ពីថ្ងៃជូនដំណឹងនេះ រហូតដល់ថ្ងៃទី២១ ខែមិថុនា ឆ្នាំ២០២៤។

អាស្រ័យហេតុនេះ បុគ្គលដែលបម្រើការងារក្នុងវិស័យមូលបត្រ និងសាធារណជន ដែលមានបំណង ឬត្រូវបានតម្រូវឱ្យចូលរួមវគ្គបណ្ដុះបណ្ដាលនិងការប្រឡង និងកម្មវិធីអប់រំវិជ្ជាជីវៈបន្តក្នុងវិស័យមូលបត្រ លើកទី២៨ នេះ អាចស្នើសុំចុះឈ្មោះ និងបង់ថ្លៃតាមអនឡាញ តាមរយៈគេហទំព័រ https://training.serc.gov.kh/ ដោយត្រូវបង់ថ្លៃចូលរួមចំនួន ១.២០០.០០០ (មួយលានពីររយពាន់) រៀលក្នុងម្នាក់។ ករណីបុគ្គលដែលចុះឈ្មោះក្រោយកាលបរិច្ឆេទដែលបានកំណត់ ត្រូវបង់ថ្លៃចំនួន ១.៥០០.០០០ (មួយលានប្រាំរយពាន់) រៀល ជាកំហិត។

សម្រាប់ព័ត៌មានបន្ថែមពាក់ព័ន្ធនឹងការចុះឈ្មោះ និងបង់ថ្លៃចូលរួមវគ្គបណ្តុះបណ្តាលនេះ សូមទាក់ទងមក នាយកដ្ឋានស្រាវជ្រាវ បណ្តុះបណ្តាល អភិវឌ្ឍន៍ទីផ្សារមូលបត្រ និងទំនាក់ទំនងអន្តរជាតិ តាមរយៈលេខទូរសព្ទ ០៨១ ៥៨៥ ៣៥០/០៩៦ ៩៩៩៧ ៥៩៩/ ០៩៦ ៧៣៤ ៦៤៨៤ (Telegram) ឬអ៊ីមែល [email protected]។

សម្គាល់៖ ចំពោះកាលបរិច្ឆេទក្នុងការរៀបចំវគ្គបណ្ដុះបណ្ដាលនិងការប្រឡង និងកម្មវិធីអប់រំវិជ្ជាជីវៈបន្តក្នុងវិស័យមូលបត្រ លើកទី២៨ ន.ម.ក. នឹងជូនដំណឹងនាពេលក្រោយ ៕