ភ្ញៀវទេសចរយ៉ាងច្រើនកុះករ ទៅលេងកម្សាន្ដនៅខេត្តមណ្ឌលគិរី ក្នុងឱកាសបុណ្យចូលឆ្នាំថ្មី ខណៈសន្ដិសុខ សុវត្ថិភាពត្រូវធានាបានយ៉ាងល្អ

ភ្នំពេញ៖ ក្នុងរយៈពេល៣ថ្ងៃ នៃពិធីបុណ្យចូលឆ្នាំថ្មី ប្រពៃណីយ៍ជាតិខ្មែរ ឆ្នាំរោងនេះ ខេត្តមណ្ឌលគិរី ទទួលបានភ្ញៀវទេសចរជាតិ និងអន្ដរជាតិទៅលេងកម្សាន្ដយ៉ាងច្រើនកុះករ។

ដោយឡែក បញ្ហាសន្ដិសុខ សុវត្ថិភាព និងសណ្ដាប់សាធារណៈវិញ កម្លាំងគណៈបញ្ជាការឯកភាពខេត្តមណ្ឌលគិរី ក្រោមការដឹកនាំដោយផ្ទាល់របស់ឯកឧត្ដម ថង សាវុន អភិបាលខេត្តមណ្ឌលគិរី និងលោកឧត្តមសេនីយ៍ទោ ឡោ សុខា ស្នងការនគរបាលខេត្ត ត្រូវធានាបានយ៉ាងល្អប្រសើរ។

ជាមួយគ្នានេះ ឯកឧត្ដម អភិបាលខេត្ត ក៏បានដឹកនាំមន្ដ្រីរាជការ កងកម្លាំងប្រដាប់អាវុធ និងប្រជាពលរដ្ឋលេងកម្សាន្ដប្រកបដោយភាពកក់ក្ដៅ ក្រោមម្លប់ដ៏ត្រជាក់នៃសុខសន្ដិភាពរបស់រាជរដ្ឋាភិបាលកម្ពុជាផងដែរ។

សម្រាប់តួលេខបឋមនៃចំនួនភ្ញៀវទេសចរ រយៈពេលបីថ្ងៃមកនេះ ភ្ញៀវជាតិចំនួន១៥,២១៦នាក់ និងភ្ញៀវបរទេសចំនួន៧៦២នាក់ សរុបចំនួន១៥,៩៧៨នាក់ ៕