ថៃទិញទឹកចិត្តអ្នកលេង Tik Tok ឲ្យជួយផ្សព្វផ្សាយសង្ក្រាន្តទៅកាន់ពិភពលោកតាមរយៈការផ្តល់រង្វាន់សម្រាប់វីដេអូណាដែលផលិតបានល្អ

បាងកក៖ អាជ្ញាធរទេសចរណ៍ថៃប្រកាសការផ្ដល់រង្វាន់ដែលមានទំហំទឹកប្រាក់ជាង៥សែនបាត ពោលគឺជិត ១៣,៧០០ដុល្លារអាមេរិក សម្រាប់វីដេអូដែលមានខ្លឹមសារអំពីសង្ក្រាន្តនៅលើកម្មវិធី Tik Tok។

កិច្ចការនេះថៃទំនងជាជំរុញការប្រារព្ធពិធីបុណ្យសង្ក្រាន្តឆ្នាំ២០២៤ កាន់តែផុសផុលតាមរយៈការទិញទឹកចិត្តអ្នកធ្វើវេទិកា Tik Tok ល្បីៗឲ្យជួយផ្សព្វផ្សាយសង្ក្រាន្តអំពីជ្រុងតែល្អៗទៅកាន់ពិភពលោក។ នេះបើតាមសារព័ត៌មានថៃ The Daytion Thailand។

ជាការពិតអាជ្ញាធរទេសចរណ៍ថៃកំពុងសហការជាមួយកម្មវិធី Tik Tok នៅប្រទេសថៃ ឬ Tik Tok Thailand រៀបចំយុទ្ធនាការសង្ក្រាន្ត ២៥៦៧ ក្រោមប្រធានបទ “ទេសចរណ៍ សុភមង្គលភ្លាមៗ” នៅសង្ក្រាន្តដើម្បីផ្សព្វផ្សាយភាពស្រស់ស្អាតដីប្រពៃណីវប្បធម៌ថៃទៅកាន់ទស្សនិកជន និងភ្ញៀវទេសចរអន្តរជាតិ។

អាជ្ញាធរក៏បានលើកឡើងថាការផ្ដោតសំខាន់ទៅលើការបង្កើតបទពិសោធវិជ្ជមានសម្រាប់ភ្ញៀវទេសចរពិភពលោក និងការលើកទឹកចិត្តដល់ការធ្វើដំណើរទេសចរណ៍ក្នុងប្រទេសថៃ គឺជារឿងចាំបាច់ណាស់។ ការប្រកួតប្រជែងវីដេអូសង្ក្រាន្តតាម Tik Tok នេះលើកទឹកចិត្តដល់ការបង្កើតវីដេអូសាមញ្ញជាមួយនឹងខ្លឹមសារពិនិត្យឡើងវិញនូវតំបន់ទេសចរណ៍ដែលទាក់ទាញអារម្មណ៍រីករាយនៃថ្ងៃសង្ក្រាន្តហើយចែករំលែកវីដេអូនោះនៅលើបណ្ដាញសង្គម Tik Tok ផ្ទាល់ខ្លួន។

គួរជម្រាបថាការប្រកួតនេះនឹងដំណើរការរហូតដល់ថ្ងៃទី១៩ ខែមេសា ការជ្រើសរើសនិងផ្អែកលើឈុតដែលមានចំនួនមើល និងចូលចិត្តខ្ពស់បំផុតដែលគោរពតាមច្បាប់ និងគោលការណ៍ដែលបានបញ្ជាក់បញ្ជីឈ្មោះអ្នកឈ្នះចំនួន៣៨នាក់ នឹងត្រូវបានប្រកាសនៅថ្ងៃទី០៧ ខែឧសភា តាមរយៈវេទិកាផ្ញើសាររបស់ Tik Tok។