មន្រ្តីសុរិយោដីស្រវឹងស្រា បើកឡានឡើងសួនច្បារបុកផ្ទាំងតាំងពិពណ៌សមទ្ធិផល មុខស្នាក់ការខេត្ដកំពង់ស្ពឺ សំណាងមិនបង្កគ្រោះថ្នាក់ដល់មនុស្ស
ភ្នំពេញ៖ បុរសម្នាក់ដែលត្រូវបានមហាជននៅទូទាំងខេត្តកំពង់ស្ពឺស្គាល់យ៉ាងច្បាស់ថាមានឈ្មោះ ឡេង ដារ៉ា អាយុ៥២ឆ្នាំ មុខរបរជាមន្រ្តីសុរិយោដី ប្រចាំស្រុកសំរោងទង ខេត្ដកំពង់ស្ពឺ មានទីលំនៅភូមិចំបក់ ឃុំវល្លិ៍សរ ស្រុកសំរោងទង ។
មន្រ្តីសុរិយោដីរូបនេះបានបើករថយន្ដ ម៉ាកFORD RANGER XLT ពណ៌ស ពាក់ផ្លាកលេខកំពង់ស្ពឺ 2C.1972 ធ្វើដំណើរចេញពីទិសខាងលិចឆ្ពោះទៅទិសខាងកើត ផ្លូវស្របតាមបណ្ដោយស្ទឹងព្រែកត្នោត លុះមកដល់ចំណុចមុខសួនច្បារបានបត់ឡើងលើសួនច្បារសាធារណៈមុខរដ្ឋបាលខេត្ដកំពង់ស្ពឺ ក្បែររង្វង់មូលវិមានឯករាជ្យកំពង់ស្ពឺ ។
ក្នុងហេតុការណ៍គ្រោះថ្នាក់ខាងលើបណ្ដាលឱ្យមនុស្សម្នាដែលកំពុងតែធ្វើដំណើរចេញចូល ហាត់ប្រាណរត់ជាន់ជាន់ជើងគ្នាដោយសារតែភ័យលស់ព្រលឹងចុះក្នុងបឹងដកព្រលិតអស់ បន្ទាប់មកបុរសជាអ្នកបើកបររថយន្ដបានបើកទ្វាចេញមកដោយអាការៈស្រវឹងជោគជាំ ចំណុចនេះមហាជននាំគ្នាឆ្ងល់ថាហេតុអីមន្រ្ដីសុរិយោដីរូបនេះមានពេលវេលាស្រវឹងស្រាទាំងក្បាលព្រលប់បែបនេះគាត់មិនធ្វើការទេអីឬ? បានជាស្រវឹងស្រាតាំងពីម៉ោង១៧:០០នាទី ល្ងាចទៅហើយ សួរថាតើគាត់ហូបស្រាតាំងពីពេលណា? ? ? ?
គ្រោះថ្នាក់ចរាចរណ៍ខាងលើបណ្ដាលអោយខូចខាតរថយន្ត និងផ្លាកផ្ទាំងប៉ាណូ ដែលរដ្ឋបាលខេត្ដកំពង់ស្ពឺដាក់តាំងពិពណ៌រូបសម្រាប់លម្អរនៅទីសួនសាធារណៈជូនប្រជាពលរដ្ឋអំពីសមទ្ធិផលនានារបស់ខេត្ដ និងប្រទេស ។
អ្នកបើកបររថយន្តបង្កក្រោយសមត្ថកិច្ចជំនាញចរាចរណ៍តេស្ដជាមួយឧបករណ៍ គឺរកឃើញមានជាតិស្រវឹង ខ្ពស់ហួសពីកម្រិត1,559 mg/L និងបានធ្វើការផាកពិន័យតាមនិតិវិធី រីឯការខូចខាតសម្ភារៈជំនាញបានប្រគល់ជូនរដ្ឋបាលខេត្ដដើម្បីដោះស្រាយលើសំណង ។
យោងតាមមាត្រា ១០ថ្មី អនុក្រឹត្យលេខ៤៤ ២១ មីនា ២០១៧ ពិន័យលើអ្នកបើកបរមានជាតិស្រវឹង ចាប់ពី
០,៤០ មីលីក្រាម ក្នុងមួយលីត្រខ្យល់ ឬ ០,៨០ មីលីក្រាម ក្នុងមួយលីត្រឈាម ពិន័យជាប្រាក់ ២,០០០,០០០៛ លើកលែងធ្លាប់រងការពិន័យលើបទល្មើសនេះ ត្រូវបញ្ជូនទៅអយ្យការ ចាត់ការតាមនីតិវិធីច្បាប់ ៕