មន្ទីរប្រឆាំងគ្រឿងញៀន បញ្ជូនជនជាតិវៀតណាម២នាក់ និងវត្ថុតាងគ្រឿងញៀនជិត៧០០ គីឡូក្រាម ទៅតុលាការចាត់ការតាមនីតិវិធី
ភ្នំពេញ៖ នៅព្រឹកថ្ងៃ២៤ ខែកុម្ភៈ ឆ្នាំ២០២៤ នេះ កម្លាំងជំនាញមន្ទីរប្រឆាំងគ្រឿងញៀន បានបញ្ជូនជនជាតិវៀតណាម២នាក់ និងវត្ថុតាងគ្រឿងញៀនជិត ៧០០គីឡូក្រាម ទៅសាលាដំបូងរាជធានីភ្នំពេញ ចាត់ការតាមនីតិវិធី។
ការឃាត់ខ្លួនជនសង្ស័យទាំង២នាក់ និងវត្ថុតាងគ្រឿងញៀនដ៏ច្រើននេះ ដោយអនុវត្តតាមបញ្ជា ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ ឯកឧត្តម ឧត្ដមសេនីយ៍ឯក ព្រុំ សន្ធរ និងឯកឧត្តម ឧត្តមសេនីយ៍ឯក ប៊ុនប៉ា ម៉ារីលុច អគ្គស្នងការរងទទួលសហការដឹកនាំផែនប្រឆាំងគ្រឿងញៀន ក្រោមការបញ្ជាដឹកនាំផ្ទាល់របស់ ឯកឧត្តម ឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន និងដោយមានកិច្ចសហការជាមួយសមត្ថកិច្ចវៀតណាមប្រចាំនៅកម្ពុជា ផ្តល់ព័ត៌មានក្រុមមុខសញ្ញា ដែលមានអង្គការចាត់តាំងជនជាតិវៀតណាម លួចលាក់ធ្វើសកម្មភាពដឹកជញ្ជូនគ្រឿងញៀនឆ្លងដែនពីប្រទេសឡាវ ឬ ថៃ ឆ្លងកាត់កម្ពុជា ទៅប្រទេសវៀតណាម ដោយរក្សាទុកគ្រឿងញៀននៅរាជធានីភ្នំពេញ។
ក្រោយពីទទួលបានព័ត៌មាននេះភ្លាមមន្ទីរប្រឆាំងគ្រឿងញៀន ចាត់តាំងកម្លាំងជំនាញការិយាល័យ ក១ ចុះស៊ើបអង្កេតបន្ត រហូតនៅថ្ងៃទី១៩ ខែមីនា ឆ្នាំ២០២៤ វេលាម៉ោង ៦និង៤០នាទី កម្លាំងជំនាញ (ក១) ដឹកនាំដោយ លោកឧត្តមសេនីយ៍ទោ អ៉ិន សុង នាយករងមន្ទីរ និងដឹកនាំសម្របសម្រួលដោយ លោក ស៊ិត វណ្ណៈ ព្រះរាជអាជ្ញារង នៃអយ្យការអម សាលាដំបូងរាជធានីភ្នំពេញ បានបង្ក្រាបករណីរក្សាទុក និងដឹកជញ្ជូនគ្រឿងញៀន ខាងលើ នៅ២គោលដៅជាបន្តបន្ទាប់ ដូចខាងក្រោម៖
គោលដៅទី១៖ ចំណុចខនដូរហ្សង់អេលីហ្សេ បន្ទប់លេខ ៨០៣ ជាន់ទី៨ សង្កាត់ចតុមុខ ខណ្ឌដូនពេញ រាជធានីភ្នំពេញ ដោយឃាត់ខ្លួនជនសង្ស័យម្នាក់ ឈ្មោះ NGUYEN HOAN DINH ភេទប្រុស ជនជាតិវៀតណាម អាយុ ៤៥ ឆ្នាំ។
ចាប់យកគ្រឿងញៀនប្រភេទ៖
-អ៉ិចស្ត្រាស៊ី (MDMA) ទម្ងន់ ៣០,០៥ក្រាម
-កេតាមីន (KETAMINE) ទម្ងន់ ៧៦,០៤ក្រាម។
គោលដៅទី២៖ ចំណុចខនដូរ ផ្លាទីនីនបេ បន្ទប់លេខ១១០៥ ជាន់ទី១១ ផ្លូវលេខ២៨២ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ដោយឃាត់ខ្លួនជនសង្ស័យម្នាក់ទៀត ឈ្មោះ DUONG TIEN ភេទប្រុស ជនជាតិវៀតណាម អាយុ១៧ឆ្នាំ។
ចាប់យកគ្រឿងញៀនប្រភេទ៖
-មេតំហ្វេតាមីន (ICE) ទម្ងន់ ៥៩៤៨១២ក្រាម
-កេតាមីន (KETAMINE) ទម្ងន់ ៧៩១៤ក្រាម
-កញ្ជា (MARIJUANA) ទម្ងន់ ១៧០០០ក្រាម
-សារធាតុមិនច្បាស់ ទម្ងន់ ៨៧៦ក្រាម។
សរុបរួម៖
ឃាត់ខ្លួនជនសង្ស័យបានចំនួន ០២នាក់ ភេទប្រុស (ជនជាតិវៀតណាម)
រឹបអូសគ្រឿងញៀនចំនួន ៦៦៨ គីឡូក្រាម ៧៥១,១ក្រាម។
ចាប់យកសម្ភារៈ និងមធ្យោបាយរួមមាន ៖
១-អាវុធខ្លីចំនួន ០១ដើម និងគ្រាប់កាំភ្លើងចំនួន ១២គ្រាប់
២-លិខិតឆ្លងដែនចំនួន ០២ក្បាល
៣-សៀវភៅការងារចំនួន ០២សន្លឹក
៤-កាតធនាគារចំនួន ០១
៥-ប័ណ្ណចាក់វ៉ាក់សាំងកូវីតចំនួន ០១
៦-អត្តសញ្ញាណប័ណ្ណវៀតណាមចំនួន ០១
៧-ប័ណ្ណបើកបរអន្តរជាតិចំនួន ០១
៨-សៀវភៅបើកបរអន្តរជាតិចំនួន ០១
៩-ជញ្ជីងថ្លឹងធំ២ ជញ្ជីងតូច៤
១០-ម៉ាស៊ីនអ៊ុតថង់ ចំនួន ០២ និងសំភារវេចខ្ចប់គ្រឿងញៀនមួយចំនួន
១១-ឡានចំនួន ០២គ្រឿង
១២-ទូរស័ព្ទដៃ ០២គ្រឿង។
បច្ចុប្បន្នជនសង្ស័យទាំង២នាក់ និងវត្ថុតាងចាប់យកខាងលើ បានបញ្ជូនទៅតុលាការចាត់ការ តាមនីតិវិធី ៕
