លោក Biden នឹងប្រកាសឲ្យយោធាអាមេរិកសាងសង់កំពង់ផែបណ្តោះអាសន្ននៅហ្គាហ្សា សសម្រាប់ការផ្ដល់ជំនួយមនុស្សធម៌
វ៉ាស៊ីនតោន៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៧ ខែមីនា ឆ្នាំ២០២០ថា ប្រធានាធិបតីសហរដ្ឋអាមេរិក លោក Joe Biden នឹងប្រកាសនៅក្នុងសុន្ទរកថា រដ្ឋសហភាពរបស់លោកថា យោធាសហរដ្ឋអាមេរិក នឹងសាងសង់កំពង់ផែបណ្តោះអាសន្នមួយ នៅតំបន់ហ្គាហ្សា សម្រាប់ការផ្តល់ជំនួយមនុស្សធម៌បន្ថែមដល់ជនស៊ីវិល នេះបើតាមមន្ត្រីរដ្ឋបាលជាន់ខ្ពស់របស់សហរដ្ឋអាមេរិកបាននិយាយកាលពីថ្ងៃព្រហស្បតិ៍។
កាលយប់មិញនេះនៅក្នុងសុន្ទរកថា ប្រធានាធិបតីអាមេរិក នឹងប្រកាសថាលោកកំពុងដឹកនាំយោធាអាមេរិកឱ្យដឹកនាំបេសកកម្មសង្គ្រោះបន្ទាន់ដើម្បីបង្កើតកំពង់ផែនៅសមុទ្រមេឌីទែរ៉ាណេ នៅលើឆ្នេរសមុទ្រ Gaza ដែលអាចទទួលបានកប៉ាល់ធំៗដែលផ្ទុកអាហារ ទឹក ថ្នាំពេទ្យ និងជម្រកបណ្តោះអាសន្ន។ ននននេះបើយោងតាមមន្ត្រីម្នាក់បានឲ្យដឹងក្នុងពេលហៅទូរស័ព្ទជាមួយអ្នកសារព័ត៌មាន។
មន្ត្រីរូបនេះបានបន្ថែមថា គម្រោងនេះ មានលក្ខណៈសំខាន់នៃកំពង់ផែបណ្តោះអាសន្ន ត្រូវបានគេរំពឹងថានឹងដំណើរការនៅក្នុងរយៈពេលជាច្រើនសប្តាហ៍ នៅពេលនោះវានឹងផ្តល់សមត្ថភាពសម្រាប់ការដឹកជញ្ជូនជំនួយរាប់រយបន្ថែមទៀតក្នុងមួយថ្ងៃ។
មន្ត្រីរូបនេះបានបន្តថា កងកម្លាំងសហរដ្ឋអាមេរិកដែលជាប់ពាក់ព័ន្ធក្នុងបេសកកម្ម បានស្ថិតនៅក្នុងតំបន់រួចហើយ ឬនឹងចាប់ផ្តើមផ្លាស់ទីទៅទីនោះក្នុងពេលឆាប់ៗនេះ។
ក្រុមមន្ត្រីមិនបានផ្តល់ព័ត៌មានលម្អិតច្រើនអំពីផែនការនេះទេ ដោយគេកត់សម្គាល់មួយថា វានឹងមិនត្រូវការកងទ័ពអាមេរិកនៅលើដី ដើម្បីសាងសង់កំពង់ផែនោះទេ។ ផ្ទុយទៅវិញ យោធាអាមេរិកនឹងធ្វើការពីឆ្នេរសមុទ្រ ដោយសហការជាមួយដៃគូ និងសម្ព័ន្ធមិត្ត និងធ្វើការលើជម្រើសពាណិជ្ជកម្ម។
ផែនការនេះគឺជាការបង្ហាញពីការខកចិត្តកាន់តែខ្លាំងឡើងរបស់លោក Biden ជាមួយនឹងវិធីដែលនាយករដ្ឋមន្ត្រីអ៊ីស្រាអែល លោក Benjamin Netanyahu កំពុងអនុវត្តប្រតិបត្តិការយោធានៅតំបន់ហ្គាហ្សា ដើម្បីកម្ចាត់ក្រុមហាម៉ាស។ វាបង្ហាញពីការផ្លាស់ប្តូរយុទ្ធសាស្ត្ររបស់សហរដ្ឋអាមេរិក ដែលនៅឆ្ងាយពីការពឹងផ្អែកតែលើឆន្ទៈរបស់អ៊ីស្រាអែលក្នុងការអនុញ្ញាតឱ្យមានជំនួយបន្ថែមទៀតចូលទៅក្នុងហ្គាហ្សា នៅពេលដែលវិបត្តិមនុស្សធម៌កាន់តែធ្ងន់ធ្ងរពីមួយថ្ងៃទៅមួយថ្ងៃសម្រាប់ប៉ាឡេស្ទីនចំពេលមានការវាយលុករបស់អ៊ីស្រាអែល។
ប្រភព៖ Xinhua
ប្រែសម្រួលដោយ៖ ឡាយ លីហួ
