ឯកឧត្តម ម៉ែន វិបុល ដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ២០២៣ និងលើកទិសដៅអនុវត្តការងារប្រចាំឆ្នាំ២០២៤ របស់សាខាកាកបាទក្រហមកម្ពុជាខេត្តស្វាយរៀង
ភ្នំពេញ៖ នាថ្ងៃទី១៦ ខែមករា ឆ្នាំ២០២៤ នៅទីស្នាក់ការសាខាកាកបាទក្រហមកម្ពុជាខេត្តស្វាយរៀង ឯកឧត្តម ម៉ែន វិបុល ប្រធានគណៈកម្មាធិការសាខា បានដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ ២០២៣ និងលើកទិសដៅអនុវត្តការងារប្រចាំឆ្នាំ ២០២៤ ក្នុងពិធីនេះដែរក៏មានការអញ្ជើញចូលរួមពីលោកជំទាវ ហៅ ច័ន្ទសិរីទេពី ចៅ ភិរុណ អនុប្រធានអចិន្ត្រៃយ៍គណៈកម្មាធិការសាខា ព្រមទាំង ឯកឧត្តម លោកជំទាវ គណៈកម្មាធិការសាខា លោក លោកស្រី ប្រធាន អនុប្រធានគណៈកម្មាធិការអនុសាខា ក្រុង ស្រុកទាំង ៨ ក្រុមប្រតិបត្តិសាខាសរុបចំនួន ២២ នាក់ ។
គោលបំណងនៃកិច្ចប្រជុំនេះគឺ ដើម្បីបូកសរុបលទ្ធផលការងារដែលសម្រេចបានក្នុងឆ្នាំ ២០២៣ ក៍ដូចជាបញ្ហាប្រឈមនានាដែលសាខា អនុសាខាជួបប្រទះ និងធ្វើការដោះស្រាយនូវសំណូមពរមួយចំនួនដែលមាននៅថ្នាក់សាខា និងអនុសាខា ។ រ
បៀបវារៈនៃកិច្ចប្រជុំនេះរួមមាន៖
-ប្រសាសន៍បើកអង្គប្រជុំដោយឯកឧត្តម ម៉ែន វិបុល ប្រធានគណៈកម្មាធិការសាខា
-អានសេចក្តីព្រាងរបាយការណ៍បូកសរុបលទ្ធផលការងារ និងហិរញ្ញវត្ថុប្រចាំឆ្នាំ ២០២៣ និងលើកទិសដៅអនុវត្តការងារឆ្នាំ ២០២៤ ដោយលោកនាយកសាខា
-មតិលើកឡើងលើរបាយការណ៍ទាំងពីរ និងទិសដៅអនុវត្តឆ្នាំ ២០២៤ ដោយគណៈកម្មាធិការសាខា និងអនុសាខា
-ការលើកឡើងរបស់អនុសាខាក្រុង ស្រុកទាំង ៨ នូវសកម្មភាពការងារនៅថ្នាក់អនុសាខានិមួយៗ
-ការតាមដានពិនិត្យគម្រោងផែនការសកម្មភាព និងថវិកាប្រចាំឆ្នាំ ២០២៤ (អានចំណុចសំខាន់ៗនីមួយៗក្នុង វិស័យអាទិភាពទាំង ៤ )មតិចូលរួមកែសម្រួល ឬបំពេញបន្ថែមដោយគណៈកម្មាធិការសាខា និងដើម្បីអនុម័ត ។
-អានខ្លឹមសារអនុសាសន៍ទាំង ៦ ចំណុចរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៃមហាសន្និបាតកាកបាទក្រហមកម្ពុជា អាណត្តិទី ៧ ។
-អានខ្លឹមសារណែនាំទាំង ៤ ចំណុចរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម កម្ពុជា លទ្ធផលសំខាន់ៗនៃកិច្ចប្រជុំលើកដំបូងរបស់គណៈកម្មាធិការកណ្តាលអាណត្តិទី ៧ ។ ខ្លឹមសារអនុសាសន៍ និងការណែនាំនេះសម្រាប់យកទៅអនុវត្តទាំងថ្នាក់កណ្តាល ថ្នាក់សាខា អនុសាខា ។
-អនុសាសន៍ផ្សេងៗ
-ប្រសាសន៍បូកសរុបលទ្ធផលកិច្ចប្រជុំដោយឯកឧត្តម ម៉ែន វិបុល ប្រធានគណៈកម្មាធិការសាខា ។
