ឯកឧត្ដមបណ្ឌិតសភាចារ្យ ហង់ជួន ណារ៉ុន អញ្ជើញចូលរួមគោរពវិញ្ញាណក្ខន្ធសព ឯកឧត្ដមសាស្ត្រាចារ្យ ហង្ស សុត
ភ្នំពេញ៖ ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នាថ្ងៃទី១០ ខែមករា ឆ្នាំ២០២៤នេះ បានដឹកនាំប្រតិភូក្រសួងអប់រំ យុវជន និងកីឡា ចូលរួមគោរពវិញ្ញាណក្ខន្ធសព ឯកឧត្ដមសាស្ត្រាចារ្យ ហង្ស សុត ជាអតីតអគ្គនាយកអាជ្ញាធរជាតិព្រះវិហារដែលបានទទួលមរណភាពកាលពីថ្ងៃទី០៧ ខែមករា ឆ្នាំ២០២៤ ក្នុងជន្មាយុ ៨២ឆ្នាំ ដោយជរាពាធ។
ក្នុងឱកាសប្រកបដោយក្ដីសង្វេគនេះ តាងនាមក្រសួងអប់រំ យុវជន និងកីឡា សូមចូលរួមរំលែកទុក្ខដ៏ក្រៀមក្រំ អាឡោះអាល័យជាទីបំផុតជាមួយលោកបណ្ឌិត និងក្រុមគ្រួសារដែលបានបាត់បង់លោកឪពុក ឪពុកក្មេក ជីតា ជាទីគោរពស្រឡាញ់ដ៏ខ្ពង់ខ្ពស់ប្រកបដោយព្រហ្មវិហារធម៌របស់កូនៗ។ សូមវិញ្ញាណក្ខន្ធ ឯកឧត្ដមសាស្ត្រាចារ្យបានទៅកាន់សុគតិភព ៕
