អង្គការគ្រួសារកុមារអភិវឌ្ឍន៍ ផ្តល់អាហារូបករណ៍ដល់ សិស្ស និស្សិត៣៤ អង្គ/នាក់ ក្នុងខេត្តបន្ទាយមានជ័យ
ភ្នំពេញ៖ តម្លៃនៃការសិក្សាទៅជួយដល់ក្រុមគ្រួសារ និងជួយដល់សង្គមជាតិទាំងមូល នេះគឺជាប្រសាសន៍លើកឡើងរបស់លោកស្រីយ៉ាំង អ៊ួយលីន នាយិកាអង្គការគ្រួសារកុមារអភិវឌ្ឍន៍ហៅកាត់ថា FRA មកពីកោះតៃវ៉ាន់ប្រចាំកម្ពុជាបានអញ្ជើញក្នុងពិធីសំណេះសំណាលនិងផ្តល់នូវអាហារូបករណ៍ដល់សាមណសិស្សសិស្សនិស្សិតចំនួន ៣៤ អង្គ/នាក់ នៅសាលាវិទ្យាល័យសម្ដេចជាស៊ីម នៅក្រុងសេរីសោភ័ណ ខេត្តបន្ទាយមានជ័យ ដោយមានការនិមន្តជាអធិបតីភាពដោយព្រះឧត្ដមសីលញ្ញាណ ធុល សុធាព្រះមេគណខេត្តនៅព្រឹកថ្ងៃទី២៨ ខែធ្នូ ឆ្នាំ២០២៣ម្សិលមិញ។
លោកស្រី យិន គឹមយាង អនុប្រធានមន្ទីរធម្មការនិងសាសនាខេត្តនិងព្រះឧត្តមសីលញ្ញាណ ធុល សុធា បានមានសង្ឃដីកានិងប្រសាសន៍ សំដែងនូវទឹកចិត្តសប្បាយរីករាយ ជ្រះថ្លាអរគុណចំពោះអង្គការ FRAតែងតែខិតខំប្រឹងប្រែងកៀងគររកមូលនិធិពីសប្បុរសជនរស់នៅកោះតៃវ៉ាន់ដែលបានចំណាយថវិកាមកជួយដល់ប្រជាជនខ្មែរជាបន្តបន្ទាប់រួមមាន៖ផ្អែកសិក្សា មនុស្សធម៍ព្រមទាំងបានជួយដល់សមិទ្ធផលនានានិងវត្តអារាមដែលបានចំណាយថវិការាប់សិបម៉ឺនសែនដុល្លារសហរដ្ឋអាមេរិក។ ជាក់ស្តែងពេលនេះក៏បានចំណាយនៃថវិកាប្រមាណជាង ១០.០០០$មួយម៉ឺនដុល្លារសម្រាប់ផ្តល់នូវអាហារូបករណ៍ដល់សមណសិស្ស និស្សិត ដោយក្នុងមួយអង្គ/នាក់ទទួលបាន ៥០០$(ប្រាំរយដុល្លា )ហើយនេះគឺជាសន្តានចិត្តជួយសម្រាលនៃការចំណាយក្នុងការសិក្សារបស់ សិស្ស និស្សិត។
អ្នកស្រីយ៉ាំង អួយលីននាយិកាអង្គការបានបញ្ជាក់ផងដែរថា៖ សិស្ស និស្សិត ទាំងអស់ដែលកំពុងឈានចូលសាកលវិទ្យាល័យ និងទទួលបានចំណេះដឹងកាន់តែខ្ពស់ហើយ នេះគឺជាឱកាសពាក្យពេចន៍របស់យើងត្រូវតែខិតខំរៀនសូត្រយកចិត្តទុកដាក់ ចាប់យកឱកាស កុំរំពឹងគេផ្តល់ យើងនូវទ្រព្យសម្បត្តិផ្សេងៗទៀតហើយពេលដែលរៀនបានខ្ពង់ខ្ពស់ហើយនោះ ត្រូវជួយគ្នាស្រឡាញ់គ្នាជាឈាមជ័រខ្មែរតែមួយ ត្រូវចាំថាយើងជាគ្រាប់ពូជមួយ សម្រាប់ជួយកសាងគ្រួសារនិងជួយដល់សង្គមជាតិទាំងមូល ៕
