សម្ដេចធិបតី ហ៊ុន ម៉ាណែត៖ អាណត្តិនេះ គេហៅថាអាណត្តិពង្រឹង ជាជាងអាណត្តិពង្រីក ជាពិសេសស្ថាប័នរដ្ឋ

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា អាណត្តិនេះ គេហៅថាអាណត្តិពង្រឹង ជាជាងអាណត្តិពង្រីក ជាពិសេសស្ថាប័នរដ្ឋ ។

ក្នុងឱកាស អញ្ជើញបិទសន្និបាត បូកសរុបលទ្ធផលការងារ ពាណិជ្ជកម្មឆ្នាំ២០២៣ និងទិសដៅពាណិជ្ជកម្មឆ្នាំ២០២៤ នាថ្ងៃទី២២ ខែធ្នូ ឆ្នាំ២០២៣នេះ សម្តេចធិបតី មានប្រសាសន៍ថា ការពង្រឹងស្ថាប័នរដ្ឋ ការជ្រើសរើសមន្ត្រីថ្មី ហើយជាពិសេស ការពិនិត្យកែសម្រួល រចនាសម្ព័ន្ធផ្ទៃក្នុងរបស់ស្ថាប័ន គឺជាកិច្ចការសំខាន់ ។

សម្តេចធិបតីបញ្ជាក់ថា «អាណត្តិនេះ គេហៅថាអាណត្តិពង្រឹង អាណត្តិពង្រឹង ជាជាងអាណត្តិពង្រីក ជាពិសេសស្ថាប័នរដ្ឋ ។ ពង្រឹងខ្លួនយើង Check Up កែសម្រួលយ៉ាងមិច ឬមួយពង្រឹងកន្លែងណាដែលត្រូវមាន ដើម្បីយើងមានទិសដៅដើរទៅមុខទៀត នេះជាកិច្ចការសំខាន់» ៕