សមាជិក ប.ស.ស ជាស្រ្តីសម្រាលបានកូនភ្លោះបី ទទួលបានប្រាក់ឧបត្ថម្ភបន្ថែមរបស់រាជរដ្ឋាភិបាល ១ ៦០០ ០០០ រៀល តាមរយៈក្រុមការងារ ប.ស.ស.
ភ្នំពេញ៖ ប្រាក់ឧបត្ថម្ភបន្ថែមរបស់រាជរដ្ឋាភិបាលចំនួន ១ ៦០០ ០០០ រៀល បានផ្តល់ជូនដល់ស្រ្តីសម្រាលកូនជាសមាជិក ប.ស.ស. សម្រាលបានកូនភ្លោះបី នៅមន្ទីរពេទ្យកាល់ម៉ែត តាមរយៈក្រុមការងារបេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ។
គួររំលឹកផងដែរថា យោងតាមរបាយការណ៍ពីនាយកដ្ឋានតាវកាលិកសន្តិសុខសង្គម នៃបេឡាជាតិសន្តិសុខសង្គមបានឱ្យដឹងថា ចាប់ពីខែ មករាដល់វិច្ឆិកា ឆ្នាំ២០២៣ ប្រាក់ឧបត្ថម្ភបន្ថែមរបស់រាជរដ្ឋាភិបាល សរុបប្រមាណជាង ១៥,៨ពាន់លានរៀលហើយ ដែលបានបើកផ្តល់ជូនដល់សមាជិក ប.ស.ស. ជាស្រ្តីសម្រាលកូន សរុបចំនួន ៣៩ ៣៩២នាក់ មានចំនួនកូនសរុប ៣៩ ៦៧២នាក់ ដែលក្នុងនោះមានស្រ្តីសម្រាលបានកូនភ្លោះ២ មានចំនួន ២៧១នាក់ និងស្រ្តីសម្រាលបានកូនភ្លោះ៣ មានចំនួន៣នាក់។
ការបើកផ្តល់ជូននេះ គឺធ្វើឡើងតាមរយៈបេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ ៕
