លោក Marcos នាយករដ្ឋមន្ត្រីរបស់ហ្វីលីពីនលើកឡើងថា មីយ៉ាន់ម៉ាជាបញ្ហាលំបាកសម្រាប់អាស៊ាន
ម៉ានីល៖ ជម្លោះនៅក្នុងប្រទេសមីយ៉ាន់ម៉ា ដែលគ្រប់គ្រងដោយយោធា គឺជាបញ្ហាដ៏លំបាកមួយសម្រាប់អាស៊ីអាគ្នេយ៍ ដែលអាស៊ានត្រូវដោះស្រាយ ដោយមានការរីកចម្រើនតិចតួច ឆ្ពោះទៅរកដំណោះស្រាយ និងការប្រយុទ្ធកាន់តែខ្លាំង នេះបើតាមប្រធានាធិបតីហ្វីលីពីន Ferdinand Marcos បានបញ្ជាក់។
ថ្លែងក្នុងវេទិកាមួយក្នុងរដ្ឋហាវ៉ៃ ដែលផ្សាយផ្ទាល់នៅប្រទេសហ្វីលីពីនកាលពីថ្ងៃចន្ទ ទី២០ ខែវិច្ឆិកា លោក Marcos បានឲ្យដឹងថា មានការប្តេជ្ញាចិត្តពីសមាគមប្រជាជាតិអាស៊ីអាគ្នេយ៍ (អាស៊ាន) ប៉ុន្តែបញ្ហាមានភាពស្មុគស្មាញ រួមទាំងផលប៉ះពាល់មនុស្សធម៌ផងដែរ។
អង្គការសហប្រជាជាតិលើកឡើងថា មនុស្សជាងមួយលាននាក់ត្រូវបានផ្លាស់ទីលំនៅចាប់តាំងពីយោធាមីយ៉ាន់ម៉ាបានធ្វើរដ្ឋប្រហារក្នុងឆ្នាំ ២០២១ ដោយបានបន្តរយៈពេលមួយទសវត្សរ៍នៃលទ្ធិប្រជាធិបតេយ្យដែលស្ថិតស្ថេរ ហើយបានទម្លាក់ប្រទេសទៅក្នុងជម្លោះ និងការបំផ្លាញសេដ្ឋកិច្ច។
ការបង្ក្រាបក្រោយរដ្ឋប្រហាររបស់របបយោធាលើអ្នកប្រឆាំងបានបង្កើតឱ្យមានចលនាតស៊ូដែលបាននិងកំពុងកើនឡើងយ៉ាងខ្លាំង។ អាស៊ានបានហាមមេទ័ពកំពូលមិនឲ្យចូលរួមកិច្ចប្រជុំរបស់ខ្លួនរហូតដល់ពួកគេប្តេជ្ញាចិត្តចំពោះផែនទីបង្ហាញផ្លូវសន្តិភាពរយៈពេលពីរឆ្នាំរបស់ប្លុក។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
