ស្នងការដ្ឋាននគរបាលខេត្តបន្ទាយមានជ័យ ប្រារព្ធពិធីបិទសវនកម្មផ្ទៃក្នុង សម្រាប់ការិយបរិច្ឆេទ ២០២២ និង បណ្តាឆ្នាំពាក់ព័ន្ធ
ភ្នំពេញ៖ ថ្នាក់ដឹកនាំស្នងការដ្ឋាននគរបាលខេត្តបន្ទាយមានជ័យ នៅថ្ងៃទី១៦ ខែវិច្ឆិកា ឆ្នាំ២០២៣ បានប្រារព្ធពិធីបិទសវនកម្មផ្ទៃក្នុងសម្រាប់ការិយាបរិច្ឆេទ ២០២២ និង បណ្តាឆ្នាំពាក់ព័ន្ធ ក្រោមអធិបតីភាព ឯកឧត្តម ឧត្តមសេនីយ៍ឯក ជុក គឹមហួរ អគ្គនាយករង សវនកម្មផ្ទៃក្នុងក្រសួងមហាផ្ទៃ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ។
ពិធីនេះក៏មានការអញ្ជើញចូលរួមពី លោក លោកស្រី ឧត្តមសេនីយ៍ត្រី វរសេនីយ៍ ស្នងការរង នាយ នាយរងការិយាល័យជំនាញទាំង៣១ លោកអធិការក្រុង-ស្រុកទាំង៩ លោកមេបញ្ជាការវរ:សេនាតូចនគរបាលការពារព្រំដែនគោកទាំង៤និងនាយនគរបាលប៉ុស្តិ៍រដ្ឋបាលឃុំ សង្កាត់ទាំង៦៧ប៉ុស្តិ៍ផងដែរ ។
លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានធ្វើសេចក្តីរាយការណ៍សង្ខេបអំពីសភាពការណ៍សន្តិសុខ សណ្តាប់ធ្នាប់សាធារណៈក្នុងរយៈពេល៩ខែឆ្នាំ២០២៣នេះ ស្នងការដ្ឋាននគរបាលខេត្តបន្ទាយមានជ័យ បានយកចិត្តទុកដាក់ប្រកបដោយស្មារតីទទួលខុសត្រូវក្នុងការចាត់តាំងជម្រុញការងារជំនាញក្នុងដែនសមត្ថកិច្ចរបស់ខ្លួនឲ្យដំណើរជាប្រក្រតី សំដៅធានាទាំងការផ្តល់សេវាសាធារណៈនិងសន្តិសុខ សុវត្ថិភាពសង្គម ដោយសម្រេចបានលត្ធផលគួរឲ្យកត់សម្គាល់ ។
មួយវិញទៀតកាលពីថ្ងៃទី០៦ ខែវិច្ឆិកា ឆ្នាំ២០២៣ន្លងទៅនេះ ខេត្តបន្ទាយមានជ័យ បានរៀបចំការប្រឡងសញ្ញាប័ត្រមធ្យមសិក្សាទុតិយភូមិឆ្នាំ២០២២-២០២៣ ដែលមានមណ្ឌលប្រឡងចំនួន៨ ស្មើនឹង២៤៨ បន្ទប់ មានបេក្ខជនប្រឡងចំនួន៦.១៦៨នាក់ ស្រី ៣.៣៧៧ នាក់ ក្នុងនោះស្នងការដ្ឋាននគរបាលខេត្ត បានប្រើប្រាស់កម្លាំងចំនួន១៥០នាក់ ស្រី២៥នាក់ រួមសហការជាមួយកម្លាំងងរាជអាវុធហត្ថការពារសន្តិសុខ សុវត្ថិភាពរៀបចំសណ្តាប់ធ្នាប់និងសម្រួលចរាចរណ៍តាមមណ្ឌលផ្ទាល់ កម្លាំងល្បាត កម្លាំងត្រៀមអន្តរាគមន៍និងកម្លាំងឃ្លាំមើល ខាងក្រៅធានាសុវ្តិថភាពល្អប្រសើរពុំមានអ្វីគួរឲ្យកត់សម្គាល់នោះឡើយ ។
នាឱកាសនោះ ឯកឧត្តម ឧត្តមសេនីយ៍ឯក ជុក គឹមហួរ អគ្គនាយករង សវនកម្មផ្ទៃក្នុងក្រសួងមហាផ្ទៃ បានថ្លែងការកោតសរសើរដល់កងកម្លាំងនគរបាលនៃស្នងការដ្ឋាននគរបាលខេត្តបន្ទាយមានជ័យ ក្រោមការដឹកនាំរបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត បានយកអស់កម្លាំងកាយចិត្តដោយស្មារតីទទួលខុសត្រូវខ្ពស់ក្នុងការបំពេញភារកិច្ចស្នូលរបស់ខ្លួនបានល្អប្រសើរ រក្សាបាននូវសន្តិសុខ សុវត្ថិភាពជូនប្រជាពលរដ្ឋក្នុងមូលដ្ឋាន គោរពយ៉ាងខ្ជាប់ខ្ជួននូវវិន័យ របស់នគរបាលជាតិ និង មួយវិញទៀតបានសហការយ៉ាងល្អជាមួយក្រុមការងារសវនករដែលចុះធ្វើសវនកម្មផ្ទៃក្នុងនៅស្នងការដ្ឋានក៏ដូចជាតាមបណ្តាអធិការដ្ឋាននគរបាលក្រុង ស្រុកទាំង៩ វរសេនាតូចនគរបាលការពារព្រំដេនគោកទាំង៤ ឲ្យដំណើរការទៅដោយរលូននិងទទួលបានជោគជ័យ ។
បញ្ជាក់៖សវនកម្មផ្ទៃក្នុងនេះ មានរយះពេល៣ខែ ចាប់ផ្តើម បើកនៅថ្ងៃទី២១ ខែសីហា ឆ្នាំ២០២៣ និង បានបិទបញ្ចប់នៅថ្ងៃទី១៦ ខែវិច្ឆិការ ឆ្នាំ២០២៣ ៕
