មានករណីគ្រោះថ្នាក់ចរាចរណ៍មួយបង្កឡើងដោយរថយន្តនិងរថយន្តទិសដៅបញ្ច្រាសគ្នា នៅលើផ្លូវជាតិលេខ៣
ភ្នំពេញ៖ នាថ្ងៃទី១២ ខែវិច្ឆិកា ឆ្នាំ ២០២៣ វេលាម៉ោង១៤:៥០នាទីរសៀល មានករណីគ្រោះថ្នាក់ចរាចរណ៍មួយកើតឡើងនៅលើផ្លូវជាតិលេខ៣ ចន្លោះបង្គោលគីឡូម៉ែត្រ ៥៨-៥៩ ស្ថិតក្នុងភូមិវះពោះ ឃុំខ្វាវ ស្រុកសំរោង ខេត្តតាកែវ។
បង្កឡើងដោយរថយន្តនិងរថយន្តទិសដៅបញ្ច្រាសគ្នា។ រថយន្តម៉ាកហ៊ីហាន់ដាយពណ៌សពាក់ស្លាកលេខកែប 3A-0024 បើកបរដោយឈ្មោះ ខេងវណ្ណា ភេទប្រុស អាយុ ៣០ឆ្នាំ រស់នៅភូមិស្វាយផ្អែម ឃុំបឹងស្រឡាយខាងត្បូង ស្រុកកំពង់ត្រាច ខេត្តកំពត។(រងរបួសធ្ងន់)។ មានអ្នករួមដំណើរម្នាក់ឈ្មោះ ញឹម ភី ភេទស្រី អាយុ 35ឆ្នាំ រស់នៅភូមិឃុំជាមួយអ្នកបើកបរខាងលើ បានបញ្ជូនទៅមន្ទីរពេទ្យបង្អែកខេត្តតាកែវ។
មុនពេលកើតហេតុរថយន្តខាងលើបានបើកបរមកពីទិសខាងជើងទៅត្បូងរួចបានរាយចង្កូតឡើងសួនក៏ទៅបុកជាមួយនឹងរថយន្តមួយគ្រឿងទៀតដែលមកពីទិសខាងត្បូងទៅជើង។
រថយន្តម៉ាក តូយ៉ូតា ហ្វធូន័រ ពណ៌ស ពាក់ស្លាកលេខភ្នំពេញ 2AZ-9710 បើកបរដោយឈ្មោះ ឈុន ដេវីត ភេទប្រុស អាយុ ៣២ឆ្នាំ រស់នៅភូមិបឹងកក់ ខណ្ឌទួលគោក រាជធានីភ្នំពេញ (រងរបួសស្រាល) និងមានអ្នករួមដំណើរចំនួនបីនាក់។
១.ឈ្មោះ អូ លីយេ ភេទប្រុស អាយុ ៣៦ឆ្នាំរស់នៅភូមិឃុំជាមួយនឹងអ្នកបើកបររងរបួសធ្ងន់។
២.ឈ្មោះ រ៉ាន់ ស្រីរ៉ា ភេទស្រី អាយុ ២៩ឆ្នាំ រស់នៅភូមិឃុំជាមួយអ្នកបើកបរងរបួសធ្ងន់។
៣.ឈ្មោះ ឃុន ស្រីនិច ភេទស្រី អាយុ ២៨ឆ្នាំរស់នៅភូមិបឹងកេងកង១ ខណ្ឌទន្លេបាសាក់រាជធានីភ្នំពេញរងរបួសស្រាល។
អ្នករបួសទាំងអស់បានបញ្ជូនទៅមន្ទីរពេទ្យរាជធានីភ្នំពេញ។ មូលហេតុបណ្ដាលមកពីអ្នកបើកបររថយន្តម៉ាកហ៊ីហាន់ដាយបើកបរលឿនទ្វេសប្រហែសខ្វះការប្រុងប្រយ័ត្ន ៕
