បរទេស៖ អ្នកនាំពាក្យក្រសួងការបរទេសអ៊ីរ៉ង់ លោក Nasser Kanaani បានឲ្យដឹងកាលពីថ្ងៃចន្ទថា ដំណើរការនៃការដោះលែងអ្នកទោសអាមេរិកដែលត្រូវបានឃុំខ្លួនក្នុងប្រទេសអ៊ីរ៉ង់នឹងចំណាយពេលដល់ទៅពីរខែ។
លោក Nasser Kanaani បានបន្តថា ពេលវេលាជាក់លាក់មួយត្រូវបានប្រកាសដោយអាជ្ញាធរពាក់ព័ន្ធ ហើយវានឹងចំណាយពេលអតិបរមាពីរខែសម្រាប់ដំណើរការនេះ។
កាលពីដើមខែនេះ ទីក្រុងតេហេរ៉ង់ និងវ៉ាស៊ីនតោនបានឈានដល់កិច្ចព្រមព្រៀងមួយដែលពលរដ្ឋអាមេរិកចំនួនប្រាំនាក់ដែលត្រូវបានឃុំខ្លួនក្នុងប្រទេសអ៊ីរ៉ង់នឹងត្រូវបានដោះលែង ខណៈដែលទ្រព្យសម្បត្តិរបស់អ៊ីរ៉ង់ចំនួន 6 ពាន់លានដុល្លារដែលជាប់គាំងនៅក្នុងប្រទេសកូរ៉េខាងត្បូងនឹងត្រូវបានដោះលែង។
ប្រព័ន្ធផ្សព្វផ្សាយកូរ៉េខាងត្បូងបានរាយការណ៍កាលពីថ្ងៃចន្ទថាទ្រព្យសម្បត្តិរបស់អ៊ីរ៉ង់ដែលត្រូវបានបង្កកនៅក្នុងប្រទេសកូរ៉េខាងត្បូងត្រូវបានផ្ទេរទៅឱ្យធនាគារកណ្តាលរបស់ប្រទេសស្វីសកាលពីសប្តាហ៍មុនសម្រាប់ការផ្លាស់ប្តូរនិងផ្ទេរទៅប្រទេសអ៊ីរ៉ង់។
អ៊ីរ៉ង់បានឲ្យដឹងថា ក្រុងវ៉ាស៊ីនតោនក៏នឹងដោះលែងជនជាតិអ៊ីរ៉ង់មួយចំនួនពីពន្ធនាគាររបស់សហរដ្ឋអាមេរិក។
មេធាវីម្នាក់បានឲ្យដឹងថា ប្រទេសអ៊ីរ៉ង់បានអនុញ្ញាតឲ្យពលរដ្ឋអាមេរិកចំនួន ៤ នាក់ដែលកំពុងឃុំខ្លួនក្នុងពន្ធនាគារEvin នៃទីក្រុង Tehran អាចផ្ទេរទៅឃុំខ្លួនក្នុងផ្ទះ។
ប្រភព៖ Alarabiya News
ប្រែសម្រួលដោយ៖ {ឡាយ លីហួ}
