មូលនិធិជាតិជំនួយសង្គម នាំយកប្រាក់គោលនយោបាយរបបសន្តិសុខសង្គមរបស់រាជរដ្ឋាភិបាលជូនគ្រួសារសពនិវត្តជនឧបាសក ហង្ស ឃុត
ភ្នំពេញ៖ នៅយប់ថ្ងៃច័ន្ទ ៨រោច ខែបឋមសាឍ ឆ្នាំថោះ បញ្ចស័ក ពស ២៥៦៧ ត្រូវនឹងថ្ងៃទី១០ ខែកក្កដា ឆ្នាំ២០២៣ ឯកឧត្តម ឈួរ សុបញ្ញា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រតិភូរាជរដ្ឋាភិបាលទទួលបន្ទុកជាអគ្គនាយក នៃមូលនិធិជាតិជំនួយសង្គម តំណាងដ៏ខ្ពង់ខ្ពស់របស់ ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា និងឯកឧត្តម សំហេង បុរស រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានក្រុមប្រឹក្សាភិបាលមូលនិធិជាតិជំនួយសង្គម បានយកប្រាក់គោលនយោបាយរបបសន្តិសុខសង្គមរបស់រាជរដ្ឋាភិបាលជូនគ្រួសារសពនិវត្តជនជូនដល់គ្រួសារសព ឧបាសក ហង្ស ឃុត អតីតនាយកបឋមសិក្សាបាក់ទូកត្រូវនៅវត្តតិក្ខប្បញោ ដែលបានទទួលមរណភាពកាលពីថ្ងៃអាទិត្យ ៧រោច ខែបឋមាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី៩ ខែកក្កដា ឆ្នាំ២០២៣ ក្នុងជន្មាយុ ៨៣ឆ្នាំ ដោយជរាពាធ។
សូមជម្រាបជូនថា ប្រាក់គោលនយោបាយរបបសន្តិសុខសង្គមជូនគ្រួសារសពនិវត្តន៍ជន ជាកញ្ចប់ដែលរាជរដ្ឋាភិបាលផ្តល់ជូនក្រុមគ្រួ សារសពនិវត្តន៍ជនជាលើកចុងក្រោយដែលមានទំហំទឺក ប្រាក់ស្មើ១២ដង នៃប្រាក់សោធននិវត្តន៍ចុងក្រោយមុនពេលទទួលមរណ:ភាព។
ដើម្បីទទួលបានប្រាក់គោលរបប នេះក្រុមគ្រួសារសពត្រូវបំពេញបែបបទ និងភ្ជាប់ឯកសារដូចខាងក្រោម៖
១.សេចក្តីចម្លងសំបុត្រមរណ:ភាព
២.សៀវភៅគ្រួសារ ឬសៀវភៅស្នាក់នៅ
៣.សៀវភៅធនាគារ ឬប័ណ្ណព័ត៌មាន ឬATM
៤.អត្តសញ្ញាណប័ណ្ណអ្នកស្នើសុំ ៕
