ភ្នំពេញ៖ គ្រឹះស្ថានអង្គរ បានឲ្យដឹងថា កម្ពុជារកចំណូលបានចំនួន ១៦,០៦៥,៨២៩ដុល្លារអាមេរិក ពីការលក់បណ្ណចូលទស្សនារមណីយដ្ឋានអង្គរ រយៈពេល៥ខែ ពោលចាប់ពីខែមករា ដល់ខែឧសភា ឆ្នាំ២០២៣នេះ ដោយមានភ្ញៀវទេសចរបរទេសចំនួនសរុប ៣៤៤,៧៥៧នាក់។
យោងតាមសេចក្ដីប្រកាសព័ត៌មាន របសគ្រឹះស្ថានអង្គរបានឲ្យដឹងថា សម្រាប់ខែឧសភា ឆ្នាំ២០២៣នេះ គ្រឹះស្ថានអង្គររកចំណូលបានចំនួន ២,០៣៤,៦២៣ដុល្លារអាមេរិក ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ ចំនួន៤៥,៧៤៩នាក់។
សូមបញ្ជាក់ថា ក្នុងរយៈពេល៥ខែ ឆ្នាំ២០២៣នេះ រាជរដ្ឋាភិបាលបានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប ៦៨៩,៥១៤ដុល្លារអាមេរិក ពីចំណែកនៃការលក់បណ្ណ ជូនភ្ញៀវទេសចរបរទេស ចូលទស្សនារមណីយអង្គរ ដើម្បីជួយក្នុងមូលនិធិ សម្រាប់សង្គ្រោះជីវិតកុមារកម្ពុជា៕
