ឧត្តមសេនីយ៍ទោ សម្បត្តិ សុធារដ្ឋ ដឹកនាំកិច្ចប្រជុំបូកសរុបសភាពការណ៍លទ្ធផលការងារខែឧសភា និងលើកទិសដៅការងារខែបន្ត ឆ្នាំ២០២៣ របស់ស្នងការខេត្តកែប
ភ្នំពេញ៖ លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប នាព្រឹកថ្ងៃទី២៩ ខែឧសភា ឆ្នាំ២០២៣ បានដឹកនាំកិច្ចប្រជុំបូកសរុបសភាពការណ៍លទ្ធផលការងារខែឧសភា និងលើកទិសដៅខែមិថុនា ឆ្នាំ២០២៣។
កិច្ចប្រជុំខាងលើដោយមានការចូលរួមពីលោក លោកស្រី ស្នងការរង នាយ ការិយាល័យជំនាញ ប្រធានក្រុមអន្តរាគមន៍ អធិការក្រុង ស្រុក ប្រធានក្រុមចម្រុះឆ្នេរ កោះទន្យាយ ផ្សារក្តាម ភ្នំសរសៀរ ភ្នំវល្លិ៍ និងសាលាខេត្ត និងនាយប៉ុស្តិ៍រដ្ឋបាល សរុប ១១៤នាក់។
បន្ទាប់ពីគោរពទង់ជាតិ ស្តាប់របាយការណ៍ប្រចាំខែ អានសេចក្តីសម្រេច ស្តីពីការរៀបកែសម្រួលសមាសភាពមន្ត្រីនគរបាលខេត្ត ចុះពង្រឹងតាមប៉ុស្តិ៍រដ្ឋបាល,ប្រចាំការកោះទន្សាយ, កំពង់ផែ, ក្រុមអន្តរាគមន៍ និងការចូលរួមមតិពីបណ្តាផែន ការិយាល័យ អធិការនគរបាលក្រុង ស្រុករួចមក។
លោកឧត្តមសេនីយ៍ទោ ស្នងការខេត្ត បានមានមតិបូកសរុបទៅកាន់អង្គប្រជុំ ដោយបានសម្ដែងនូវការកោតសរសើរ និងគាំទ្រលទ្ធផលការងារនាពេលកន្លងមក និងបានលើកឡើងនូវបទពិសោធន៍ ព្រមទាំងបានដាក់ចេញនូវគោលការណ៍វិធានការណ៍ ការងារសំខាន់ៗ មួយចំនួន ក្នុងការងារបំរើសេវាសាធារណៈជូនប្រជាពលរដ្ឋ ពង្រឹងសន្តិសុខ សណ្តាប់ធ្នាប់សង្គម ក្នុងការបង្ការបង្ក្រាបបទល្មើសផ្សេងៗ ក្នុងមូលដ្ឋានក្នុងខេត្តឱ្យបានទាន់ពេល ឱ្យទទួលបានលទ្ធផលជាវិជ្ជមានបន្តទៀត។
ទន្ទឹមនោះលោកឧត្តមសេនីយ៍ទោ ស្នងការខេត្ត បានណែនាំបន្ថែម នូវសាមគ្គីភាពផ្ទៃក្នុងអង្គភាព និងរួមសហការគ្នាក្នុងការងារជំនាញនីមួយៗក្នុងអង្គភាពឱ្យបានល្អបន្តទៀត និងពង្រឹងការប្រចាំការ ប្រចាំបញ្ជាអោយបានគ្រប់ៗអង្គភាពផងដែរ ៕
