នាយឧត្តមសេនីយ៍ សៅ សុខា ប្រកាសលាលែងពីតំណែងប្រធានសហពន្ធ័កីឡាបាល់ទាត់កម្ពុជា ក្រោយក្រុមជម្រើសជាតិ U22 កម្ពុជា ចាញ់មីយ៉ាន់ម៉ា ២-០ នៃព្រឹត្តិការណ៍ស៉ីហ្គេម

ភ្នំពេញ៖ បន្ទាប់ពីបរាជ័យក្នុងការប្រកួតចម្រុះក្នុងពូលA ក្នុងព្រិត្តិការណ៍សុីហ្គេម ២០២៣ នារាត្រីថ្ងៃទី៧ ខែឧសភា ឆ្នាំ២០២៣ ឯកឧត្តម នាយឧត្តមសេនីយ៍ សៅ សុខា ប្រធានសហពន្ធ័កីឡាបាល់ទាត់កម្ពុជា គោរពនូវការសន្យា ដើម្បី
បង្ហាញ នូវស្មារតីទទួលខុសត្រូវ។

ឯកឧត្តម នាយឧត្តមសេនីយ៍ បានប្រកាសលាលែងពីតំណែងប្រធានសហពន្ធ័កីឡាបាល់ទាត់កម្ពុជាចាប់ពីរាត្រីថ្ងៃនេះតទៅ។ ឯកឧត្តម នាយឧត្តមសេនីយ៍ សូមប្រគល់ជូនលោកឧត្តមសេនីយ៍ទោ ខៀវ សាម៉េត អនុប្រធានសហពន្ធ័កីឡាបាល់ទាត់កម្ពុជា ជាប្រធានស្តីទីចាប់ពីពេលនេះតទៅ។

ឯកឧត្តម នាយឧត្តមសេនីយ៍ ក៏បានអរគុណ ឯកឧត្តមរដ្ឋមន្ត្រីក្រសួងអប់រំ យុវជន និងកីឡា និងបងប្អូនដែលបានបញ្ចេញមតិគាំទ្រឯកឧត្តម
អោយបន្តតំណែងជាប្រធានសហពន្ធ័កីឡាបាល់ទាត់កម្ពុជា។

ឯកឧត្តម នាយឧត្តមសេនីយ៍ សៅ សុខា ក៏សូមអភ័យទោសដែលពុំអាចនាំកិត្តិយសជូនជាតិបានតាមរយះការប្រកួតបាល់ទាត់ក្នុងព្រិត្តិការណ៍ដែលកម្ពុជាធ្វើជាម្ចាស់ផ្ទះ។

ឯកឧត្តម នាយឧត្តមសេនីយ៍ បានអរគុណដល់លោកអនុប្រធាន សមាជិកគណះកម្មាធិការប្រតិបត្តិស.ប.ក និងមន្ត្រីបុគ្គលិកទាំងអស់ដែលបានរួមជាមួយខ្ញុំបាទធ្វើការងារលើវិស័យកីឡាបាល់ទាត់កន្លងមក។

ឯកឧត្តម នាយឧត្តមសេនីយ៍ ជូនពរអ្នកទាំងអស់គ្នាមានសុខភាពល្អ ចម្រុងចម្រើន មានសុភមង្គល់គ្រប់ក្រុមគ្រួសារ និងជួបប្រទះតែសំណាងល្អជានិច្ច ៕