ភ្នំពេញ៖ នៅថ្ងៃទី២៦ ខែមីនា ឆ្នាំ២០២៣ វេលាម៉ោងប្រហែល០៤:៣០នាទីទាបភ្លឺ កម្លាំងផ្នែកនគរបាលយុត្តិធម៍ បានសហការជាមួយកម្លាំងប៉ុស្តិ៍នគរបាលរដ្ឋបាលផ្សារដើមគរ នៃអធិការដ្ឋាននគរបាលខណ្ឌទួលគោក បានធ្វើការបង្ក្រាបឃាត់ខ្លួនជនសង្ស័យ០២នាក់ជាក់ស្ដែងពាក់ព័ន្ធបទល្មើសគ្រឿងញៀន បង្ក្រាបនៅចំណុចផ្ទះលេខ១៨៥Eo1 (ជាន់ទី១) ផ្លូវលេខ២១៥ ក្រុមទី ភូមិ១៦ សង្កាត់ផ្សារដើមគរ ខណ្ឌទួលគោក រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យរួមមាន៖
១-ឈ្មោះ ទិត្យច័ន្ទ រតនា ភេទស្រី អាយុ២៧ឆ្នាំ ជនជាតិខ្មែរ មុខរបរ លក់ដូរតាមអនឡាន ស្នាក់នៅខនដូអារ៉ាខាប៉ា ផ្លូវបេតុង សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
២-ឈ្មោះ ចាន់ ធារី ភេទស្រី អាយុ២៦ឆ្នាំ ជនជាតិខ្មែរ មុខរបរ ជាងអ៊ុតសក់ ស្នាក់នៅហាងអ៊ុតសក់សម្រស់ម្លិះ ផ្លូវលេខ៤៥៦ សង្កាត់ទួលទំពូងទី២ ខណ្ឌចំការមន រាជធានីភ្នំពេញ ។
ក្នុងកិច្ចប្រតិបត្តិការបង្ក្រាបសមត្ថកិច្ចយើងបានចាប់យកវត្ថុតាងរួមមាន ៖ ម្សៅពណ៍សចំនួន០៣កញ្ចប់តូច , កែវសម្រាប់លាយម្សៅសម្រាប់ប្រើប្រាស់គ្រឿងញៀន ចំនួន០២ , ម៉ាស៊ីនចាក់ឌីសចំនួន០១ , ឡេបថបម៉ាក Apple ពណ៍ទឹកប្រាក់ចំនួន០១ ,ទូរស័ព្ទដៃចំនួន០២គ្រឿង ម៉ាក I phone 11Pro ០១គ្រឿង និងម៉ាក I phone 7Plus ចំនួន០១គ្រឿង (ចាប់យកពីឈ្មោះ ទិត្យច័ន្ទ រតនា ) ។
បច្ចុប្បន្នជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោកដើម្បីធ្វើការសាក សួរ និងចាត់ការបន្តតាមនីតិវិធី៕
