ឯកឧត្តម នេត សាវឿន អញ្ជើញជាអធិបតីក្នុងកិច្ចប្រជុំផ្សព្វផ្សាយសេចក្តីសម្រេចចិត្ត នៃមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា

ភ្នំពេញ៖ ឯកឧត្តម សន្តិបណ្ឌិត នេត សាវឿន សមាជិកគណៈអចិន្រ្តៃយ៍ គណៈកម្មាធិការកណ្តាលគណបក្សប្រជាជនកម្ពុជា អនុប្រធានទី១ ក្រុមការងារគណបក្សចុះមូលដ្ឋានខេត្តព្រៃវែង និងជាប្រធានក្រុមការងារគណបក្សចុះមូលដ្ឋានស្រុកស្វាយអន្ទរ និងស្រុកកញ្ជ្រៀច នាព្រឹកថ្ងៃអាទិត្យ ១៤រោច ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៩ ខែកុម្ភៈ ឆ្នាំ២០២៣ បានអញ្ជើញជាអធិបតីភាពក្នុងកិច្ចប្រជុំផ្សព្វផ្សាយសេចក្តីសម្រេចចិត្ត នៃមហាសន្និបាតវិសាមញ្ញតំណាងទូទាំងប្រទេសរបស់គណប្រជាជានកម្ពុជា ដល់សមាជិក សមាជិកាគណបក្សប្រជាជន ស្រុកស្វាយអន្ទរ និងស្រុកកញ្ជ្រៀច នៅទីស្នាក់ការគណបក្សប្រជាជនស្រុកស្វាយអន្ទរ។

ក្នុងឱកាសនោះ ឯកឧត្តម សន្ដិបណ្ឌិត នេត សាវឿន បានផ្ដល់អំណោយកុំព្យូទ័រលើតុ ជូនគណបក្សស្រុកទាំងពីរ ក្នុង ១ស្រុក ១គ្រឿង, គណបក្សឃុំទាំងពីរស្រុក ក្នុង ១ឃុំ ១គ្រឿង, អធិការដ្ឋាននគរបាលស្រុកទាំងពីរ ក្នុង ១ស្រុក ១គ្រឿង និងប៉ុស្ដិ៍នគរបាលរដ្ឋបាលក្នុងស្រុកទាំងពីរ ក្នុង ១ប៉ិ៍ស្ដិ៍ ១គ្រឿង សរុបចំនួន ៤៦គ្រឿង ៕