ឯកឧត្តមបណ្ឌិត គឹម សន្តិភាព៖ អំពើល្អរបស់មន្ត្រីបក្សគ្រប់ថ្នាក់ ជាមូលដ្ឋានពង្រឹង និងពង្រីកភាពជោគជ័យរបស់គណបក្សប្រជាជន

ភ្នំពេញ៖ ឯកឧត្តមបណ្ឌិត គឹម សន្តិភាព សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានក្រុមការងារគណបក្សចុះមូលដ្ឋានស្រុកពញាក្រែក ខេត្តត្បូងឃ្មុំ ទទួលបន្ទុកលើការងារយុវជន បានមានប្រសាសន៍ថា អំពើល្អរបស់មន្ត្រីបក្សគ្រប់ថ្នាក់ ជាមូលដ្ឋានពង្រឹង និងពង្រីកភាពជោគជ័យរបស់គណបក្សប្រជាជន។

ការលើកឡើងរបស់ឯកឧត្ដមបែបនេះធ្វើឡើង ក្នុងឳកាសអញ្ជើញជាអធិបតីនៅក្នុងពិធីជួបសំណេះសំណាល ជាមួយក្រុមការងារគណបក្សប្រជាជនកម្ពុជា ចុះជួយមូលដ្ឋាន ឃុំកណ្តោលជ្រុំ ក្នុងស្រុកពញាក្រែក ខេត្តត្បូងឃ្មុំ នៅថ្ងៃទី១០ ខែមករា ឆ្នាំ២០២៣។

ថ្លែងក្នុងអង្គពិធី ឯកឧត្តមបណ្ឌិត គឹម សន្តិភាព បានសង្កត់ធ្ងន់ថា «អំពើល្អរបស់មន្ត្រីបក្សគ្រប់ថ្នាក់ ជាមូលដ្ឋានពង្រឹង និងពង្រីកភាពជោគជ័យរបស់គណបក្សប្រជាជន» ហេតុនេះមន្រ្តីបក្សគ្រប់ថ្នាក់នៅមូលដ្ឋាន ត្រូវបន្តធ្វើនូវអំពើល្អជាមួយប្រជាពលរដ្ឋយើង ដើម្បីទទួលបានការគាំទ្របន្ថែមទៀតពីប្រជាពលរដ្ឋមកលើគណបក្សប្រជាជនកម្ពុជាយើង។

ក្រោយពីបញ្ចប់កិច្ចសំណេះសំណាលរួចមក ឯកឧត្តមបណ្ឌិត គឹម សន្តិភាព បានផ្តល់ជូននូវអំណោយដ៏ថ្លៃថ្លា របស់ឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍គណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្ដាល និងលោកជំទាវ ដល់ក្រុមការងារយុវជនគណបក្សឃុំកណ្តោលជ្រុំ ដើម្បីចូលរួមពង្រឹងសកម្មភាពគណបក្សក្នុងមូលដ្ឋានឃុំកណ្តោលជ្រុំ ស្រុកពញាក្រែក នៃខេត្តត្បូងឃ្មុំ៕