ឧត្ដមសេនីយ៍ឯក ហ៊ុន ម៉ាណែត និងលោកជំទាវ ឧត្ថម្ភសម្ភារៈប្រើប្រាស់ជូន បញ្ជាកាដ្ឋោនយោធភូមិភាគទី៤

ភ្នំពេញ៖ ឯកឧត្តមឧត្តមសេនីយ៍ឯក ពៅ ហេង មេបញ្ជាការរង កងទ័ពជើងគោក មេបញ្ជាការ យោធភូមិភាគទី៤ នាថ្ងៃទី៣១ ខែមករា ឆ្នាំ២០២៣ បានទទួលសម្ភារៈដែលជាអំណោយដ៏ថ្លៃថ្លារបស់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក និងលោកជំទាវ តាមរយៈលោក វរសេនីយ៍ត្រី វ៉ាំង សុភា ក្រុមជំនួយការឯកឧត្តម មេបញ្ជាការ កងទ័ពជើងគោក ប្រគល់ជូនយោធភូមិភាគទី៤ រួមមាន ÷

១- សំបកការ៉ុង ចំនួន ៥០,០០០ សំបក (ប្រាំម៉ឺន សំបក)
២- ស័ង្កសី ចំនួន ១០,០០០ សន្លឹក (មួយម៉ឺន សន្លឹក)
៣- សម្ភារៈផ្គត់ផ្គង់ទឹក មានដូចជា÷
– កានទឹកចំណុះ ៣០លីត្រ ចំនួន ៧៦៩ ធុង(ប្រាំពីររយហុកសិបប្រាំបី ធុង)
– ធុងទឹកចំណុះ ២០០លីត្រ ចំនួន ៧០ ធុង(ចិតសិប ធុង)
– ស៊ីទែនទឹកចំណុះ ១០០០លីត្រ ចំនួន ១០ ស៊ីទែន(ដប់ ស៊ីទែន)
– ស៊ីទែនទឹកចំណុះ ១៥០០លីត្រ ចំនួន ០៦ ស៊ីទែន(ប្រាំមួយ ស៊ីទែន)
– ស៊ីទែនទឹកចំណុះ ២០០០លីត្រ ចំនួន ១៧ ស៊ីទែន(ដប់ប្រាំពីរ ស៊ីទែន)
– ស៊ីទែនទឹកចំណុះ ២៥០០លីត្រ ចំនួន ១២ ស៊ីទែន(ដប់ពីរ ស៊ីទែន) ។

ឯកឧត្តម មេបញ្ជាការ យោធភូមិភាគទី៤ បានថ្លែងអំណរគុណយ៉ាងជ្រាលជ្រៅជាទីបំផុតចំពោះ ឯកឧត្តម មេបញ្ជាការ កងទ័ពជើងគោក និងលោកជំទាវ ដែលជានិច្ចកាលតែងគិតគូរពីសុខទុក្ខយោធិនគ្រប់រូប និងបានជួយឧបត្ថម្ភនូវថវិកា និងសម្ភារផ្សេងៗជាច្រើន ដល់យោធភូមិភាគទី៤ ដើម្បីបំពេញតម្រូវការនៅក្នុងអង្គភាព ។ យោធិនគ្រប់រូប ប្តេជ្ញាខិតខំយកចិត្តទុកដាក់បំពេញតួនាទីភារកិច្ច ជូនជាតិ មាតុភូមិ ប្រជាជន និងបន្តអនុវត្តវិធាន ៣កុំ ៣ការពារ ចៀសផុតពីជំងឺកូវីដ-១៩ ៕