ឆ្នាំ២០២២សាខាពន្ធដារខេត្តកំពង់ឆ្នាំង សម្រេចប្រមូលពន្ធគ្រប់ប្រភេទបានជាង ២៥ ៦៩០ ២៦៥ ១៥៥លានរៀល
កំពង់ឆ្នាំង ៖ ក្នុងរយៈពេល១២ខែឆ្នាំ២០២២កន្លងទៅនេះ សាខាពន្ធដាខេត្តកំពង់ឆ្នាំងបានប្រមូលពន្ធដាគ្រប់ប្រភេទបានចំនួន ២៥ ៦៩០ ២៦៥ ១៥៥លានរៀល ។
នេះបើតាមការបញ្ជាក់របស់ លោក វង្ស ឌីណា ប្រធានសាខាពន្ធដាខេត្តកំពង់ឆ្នាំង កាលពីព្រឹកថ្ងៃទី១០ ខែមករាឆ្នាំ ២០២៣នេះ ។
លោកប្រធានសាខាបានបញ្ជាក់ឱ្យដឹងថា ឆ្នាំ២០២២ សាខាពន្ធដាខេត្តកំពង់ឆ្នាំង ប្រមូលពន្ធ គ្រប់ប្រភេទបាន ២៥ ៦៩០ ២៦៥ ១៥៥លានរៀល ស្មើនឹង ១៥៣,៤៥ភាគរយ នៃផែនការ ១៦ ៥៧០ ០០០ ៦០០លានរៀល។
លោក វង្ស ឌីណា ប្រធានសាខាពន្ធដាខេត្តបានបន្តថា ចំណូលទាំងនេះបានមកពីចំណូលថវិកាថ្នាក់ជាតិនេះបាន ១៣ ១៥៥ ០៤៨ ១៦៧លានរៀល ស្មើនឹង១៥៦,៦១ភាគរយ ។ ចំណូលថវិកានៅថ្នាក់ក្រោមជាតិបានជាង ១២ ១៣៥ ២១៦ ១៨៧លានរៀលស្មើនឹង ១៥០,២៥ភាគរយ ។
លោកប្រធានសាខាពន្ធដាខេត្ត បានអោយដឹងទៀតថា ប្រាក់ពន្ធដែលប្រមូលបានគឺមាន ពន្ធលើប្រាក់បៀវត្ស ពន្ធប្រថាប់ត្រា ពន្ធលើរំដោះលើប្រាក់ចំណេញនីតិបុគ្គល ពន្ធផាកពិន័យ និង ទោសបញ្ញត្តិ សារពើពន្ធ ពន្ធអចលនទ្រព្យ ពន្ធអាករលើតម្លៃបន្ថែម ពន្ធអាករបំភ្លឺសាធារណៈ ពន្ធអាករ ស្នាក់នៅ ពន្ធប៉ាតង់ និង ពន្ធលើមធ្យោបាយដឹកជញ្ជូននិងយានជំនិះគ្រប់ប្រភេទ ។
លោកប្រធានសាខាពន្ធដាបានឱ្យដឹងទៀតថា ដើម្បីផ្តល់ភាពងាយស្រួលជូនប្រជាពលរដ្ឋក្នុងការចូលរួមបង់ពន្ធ គឺអគ្គនាយកដ្ឋានពន្ធដា បានរៀបចំប្រកាសពន្ធតាមប្រព័ន្ធអនឡាញ ដែលប្រជាពលរដ្ឋអាចចូលរួមបង់ពន្ធបានតាមអនឡាញ ដោយមិនបាច់មកដល់ទីតាំងផ្ទាល់នោះទេ ៕
