មេបញ្ជាការតំបន់ប្រតិបត្តិការសឹករងឧត្តរមានជ័យ ផ្សព្វផ្សាយពីព្រឹត្តិការណ៍ថ្មីៗជាតិ-អន្តរជាតិ និងសភាពការណ៍ប្រែប្រួលតាមខែ្សបន្ទាត់ព្រំដែន កម្ពុជា-ថៃ ជូនដល់នាយទាហាន-ពលទាហាន
ភ្នំពេញ៖ ឧត្តមសេនីយ៍ទោ តន់ ញាន មេបញ្ជាការតំបន់ប្រតិបត្តិការសឹករងឧត្តរមានជ័យ នាថ្ងៃទី២ ខែមករា ឆ្នាំ២០២៣ បានអប់រំផ្សព្វផ្សាយអំពីព្រឹត្តិការណ៍ថ្មីៗជាតិ-អន្តរជាតិ និងសភាពការណ៍ប្រែប្រួលលើខែ្សបន្ទាត់ព្រំដែន កម្ពុជា-ថៃ ក្នុងភូមិសាស្រ្តទទួលខុសត្រូវរបស់អង្គភាព ជូនដល់នាយទាហាន-ពលទាហាន នៅក្នុងទីបញ្ជាការតំបន់ប្រតិបតិ្តការសឹករង ឧត្ដរមានជ័យ ។
ក្នុងនោះដែរ លោកឧត្តមសេនីយ៍ទោ មេបញ្ជាការ ក៏បានក្រើនរម្លឹកដាស់តឿន និងសង្កត់ធ្ងន់អំពីភារកិច្ចចំពោះមុខរបស់នាយទាហាន នាយហានរង និងពលទាហានទាំងអស់ ដែលត្រូវយកចិត្តទុកដាក់ក្នុងការ អនុវត្តភារកិច្ចឱ្យបាន្អល្អម៉ឺងម៉ាត់ តាមមុខនាទីនិងភារកិច្ខរបស់ខ្លួនម្នាក់ៗ ក្នុងភាពទទួលខុសត្រូវខ្ពស់ ត្រូវអនុវត្តឱ្យបានជោគជ័យ តាមផែនការកំណត់របស់ថ្នាក់លើ បទបញ្ជារបស់អង្គភាព ចូលរួមក្នុងការងារកសាងអង្គភាព និងការងារបង្កបង្កើនផល និងត្រៀមកម្លាំងអន្តរាគមន៍សម្រាប់ថ្នាក់
លើ២៤ម៉ោង លើ២៤ម៉ោង ក្នុងការចល័តចុះជួយប្រជាពលរដ្ឋរងគ្រោះដោយគ្រោះធម្មជាតិ និងករណីផ្សេងៗទៀត។ល។
ក្នុងឱកាសនោះដែរ ឧត្តមសេនីយ៍ទោ មេបញ្ជាការ បានរម្លឹកដល់យោធិនគ្រប់រូប ត្រូវគោរព និងអនុវត្តឱ្យបានត្រឹមត្រូវតាមច្បាប់រដ្ឋធម្មនុញ្ញ និងកម្មវិធីនយោបាយរបស់រាជរដ្ឋាភិបាល។
ត្រូវគោរព និងប្រតិបត្តិយ៉ាងម៉ឹងម៉ាត់ចំពោះ ច្បាប់រដ្ឋ ច្បាប់ស្តីពីលក្ខន្តិកៈទូទៅចំពោះយោធិន នៃកងយោធពលខេមរភូមិន្ទ និងគោរពបទបញ្ញត្តិ បទវិន័យ និងបទបញ្ជាផ្សេងៗរបស់កងទ័ព។
ក្នុងនោះដែរ ឧត្តមសេនីយ៍ទោ មេបញ្ជាការ បានផ្ដាំផ្ញើឱ្យយោធិនទាំងអស់បន្តអនុវត្តនូវវិធានការរបស់សម្តេចតេជោ ប្រមុខរាជរដ្ឋាភិបាលគឺ ៣ការពារ និង៣កុំ ឱ្យបានជាប់លាប់ល្អជាប្រចាំ ក្នុងរដូវភ្លៀងឆ្លាក់ ត្រូវការពារ និងថែរក្សារសុខភាពឱ្យបានល្អ ព្រមទាំងជូនពរឆ្នាំ២០២៣សូមឱ្យសម្រេចជោគជ័យគ្រាប់ភារកិច្ច និងជៀសឆ្ងាយពីជំងឺដង្កាត់ផ្សេងៗផងដែរ៕
