សម្តេចតេជោ ហ៊ុន សែន ចេញអនុក្រឹត្យតែងតាំងនាយនគរបាលថ្នាក់ឧត្តមសេនីយ៍២រូប ជាអគ្គនាយករង និងប្រធាននាយកដ្ឋាន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី២ ខែមករា ឆ្នាំ២០២៣នេះ បានចេញអនុក្រឹត្យតែងតាំងនាយនគរបាលថ្នាក់ឧត្តមសេនីយ៍២រូប ជាអគ្គនាយករង និងជាប្រធាននាយកដ្ឋាន នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ។

បើតាមអនុក្រឹត្យរបស់សម្តេចតេជោ ហ៊ុន សែន បានបញ្ជាក់ថា នាយនគរបាលថ្នាក់ឧត្តមសេនីយ៍ដែលទទួលបានការតែងតាំងរួមមាន៖

ទី១៖ លោកឧត្តមសេនីយ៍ឯល ហ៊ូ វ៉ាន់នី ពីប្រធាននាយកដ្ឋានផែនការសេដ្ឋកិច្ច និងហិរញ្ញវត្ថុ ផ្នែកសន្តិសុខសាធារណៈ ជាអគ្គនាយករង នៃអគ្គនាយកដ្ឋានភស្តុភារ និងហិរញ្ញវត្ថុ

ទី២៖ លោកឧត្តមសេនីយ៍ទោ តិច សុខា ជាប្រធាននាយកដ្ឋានផែនការសេដ្ឋកិច្ច និងហិរញ្ញវត្ថុ ផ្នែកសន្តិសុខសាធារណៈ។ ។