សម្តេចតេជោ ហ៊ុន សែន៖ នៅកំលុងពេលរាតត្បាតជំងឺកូវីដ១៩ សម្ដេចបានបញ្ចេញថវិកាសរុបជាង២ពាន់លានដុល្លារ ដោយក្នុងមួយខែ៤០លានដុល្លារ ដើម្បីជួយចិញ្ចឹមពលរដ្ឋប្រមាណ៧០ម៉ឺនគ្រួសារ
ប៊ែលហ្សុិក៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងបញ្ជាក់ថា កំលុងពេលរាតត្បាតជំងឺកូវីដ១៩ រាជរដ្ឋាភិបាលបញ្ចេញថវិកាសរុបជាង២ពាន់លានដុល្លារ ដោយនោះក្នុងមួយខែ ៤០លានដុល្លារ សម្រាប់ជួយចិញ្ចឹមប្រជាពលរដ្ឋប្រមាណ ៧០ម៉ឺនគ្រួសារ ដែលក្រីក្រ និងរងគ្រោះក្នុងអំឡុងពេលប្រយុទ្ធនឹងកូវីដ។
សម្តេចតេជោ ហ៊ុន សែន លោកបានថ្លែងបែបនេះ ក្នុងឱកាសដែលសម្តេចអញ្ជើញសំណេះសំណាលជាមួយប្រជាពលខ្មែរជិត២ពាន់នាក់ នៅទ្វីបអឺរ៉ុប នៅថ្ងៃទី១២ ខែធ្នូ ឆ្នាំ២០២២នេះ។
សម្តេចតេជោ ហ៊ុន សែន បានថ្លែងបញ្ជាក់យ៉ាងដូច្នេះថា៖ [បន្ថែមលើនោះ ដើម្បីជៀសវាងបាននឹងបញ្ហាការធ្លាក់ចុះនូវអត្រាភាពក្រីក្រ របស់ប្រជាជនរាជរដ្ឋាភិបាលបានសម្រេចបញ្ចេញសាច់ប្រាក់ក្នុង១ខែប្រមាណ៤០លានដុល្លារ ដើម្បីជួយចិញ្ចឹមប្រជាជនប្រមាណ៧០ម៉ឺនគ្រួសារ នេះជាការដោះស្រាយ បន្ថែមលើនោះរោងចក្រមួយចំនួនត្រូវព្យួរ កម្មករនៅតាមសណ្ឋាគារដែលប៉ះពាល់យើងត្រូវផ្តល់នូវប្រាក់សម្រាប់កម្មកររបស់យើង ដោយក្នុងម្នាក់បាន ៧០ដុល្លារក្នុងមួយខែ ដោយរយៈរាជរដ្ឋាភិបាលផ្តល់ ៤០ដុល្លារ និងម្ចាស់រោងចក្រផ្តល់ថវិកា៣០ដុល្លារ ដោយណែកកម្មករក្នុងវិស័យសណ្ឋាគារគឺទទួលបានតែ៤០ដុល្លារប៉ុណ្ណោះទេ នៅក្នុងមួយខែ]។
សម្តេចតេជោ ហ៊ុន សែន បានគូសបញ្ជាក់ថា នៅក្នុងកំលុងពេលកូវីដ១៩ រាតត្បាត គឺរាជរដ្ឋាភិបាលបញ្ចេញប្រាក់សន្សំអស់ជាង ២ពាន់លានដុល្លារ ដើម្បីបម្រើឱ្យនូវសេចក្តីត្រូវលើការងារប្រយុទ្ធប្រឆាំងកូវីដ១៩ និងដោះស្រាយការលំបាករបស់ប្រជាពលរដ្ឋដែលរងគ្រោះផង ចំណុចនេះមិនមែនជារឿងតូចតាចនោះទេ ទីចុងបំផុតកម្ពុជា ជាប្រទេសមួយដែលត្រូវមើលងាយបានក្លាយជាប្រទេសជួរនៃការគ្រប់គ្រងជំងឺកូវីដ១៩។
[រាជរដ្ឋាភិបាលនៅបន្តអន្តរាគមន៍ ជួយប្រជាពលរដ្ឋទៅដល់ប្រជាជនជាង៧០ម៉ឺនគ្រួសារដែលកំពុងទទួលផល និងបន្ថែមប្រហាក់ប្រហែល៦០ម៉ឺនគ្រួសារទៀត ដែលទទួលផលប៉ះពាល់ពីអតិផរណា និងទឹកជំនន់]។
