បុរសម្នាក់ជិតដល់ថ្ងៃចូលរោងការទៅហើយ ! បែជាគេប្រទះ ឃើញ សា.ក.សព.សល់តែ.គ្រោ.ង.ឆ្អឹ.ង សង្ស័យថា ជាករណី…
ភ្នំពេញ ៖ យោងតាមព័ត៌មានបឋមបានឲ្យដឹងថា សាកសពដែលឃើញតែគ្រោងឆ្អឹងនោះ ត្រូវគេស្គាល់ថា ឈ្មោះ យន់ រីណា ភេទប្រុស អាយុ២៨ឆ្នាំ រស់នៅភូមិភ្នំតូច ឃុំភ្នំតូច ស្រុកភ្នំព្រឹក។ ហើយសាកសពបុរសរូបនេះ ត្រូវបានអ្នកធ្វើចំការប្រទះឃើញនៅពេលដែលគាត់ទៅមើលចំការ ហើយក៏បានរាយការណ៍ប្រាប់សមត្ថកិច្ចតែម្ដង។
សាកសពបុរសម្នាក់ ត្រូវបានគេប្រទះឃើញសល់តែគ្រោងឆ្អឹងនៅកណ្ដាលចំការដំឡូងមីមួយកន្លែង បង្កឱ្យមានការភ្ញាក់ ផ្អើល កាលពីរសៀលថ្ងៃទី១០ ខែធ្នូ ឆ្នាំ២០២២ ស្ថិតក្នុងភូមិអូរល្ហុង ឃុំអូររំដូល ស្រុកភ្នំព្រឹក ក្រោយពីបុរសរូបនេះ មានទំនាស់ជាមួយគូដណ្ដឹង ហើយក៏បានបាត់ដំណឹងពីផ្ទះអស់រយៈជាងមួយខែកន្លងទៅនេះ តែសមត្ថកិច្ចពុំទាន់ធ្វើការសន្និដ្ឋានបែបណានោះទេ ព្រោះមន្ត្រីបច្ចេកទេសកំពុងតែពិនិត្យនៅឡើយ។
បើតាមប្រភពព័ត៌មានពីកន្លែងកើតហេតុបានឱ្យដឹងថា ស្ថានភាពសាកស.ពជនរងគ្រោះ គឺនៅសល់តែគ្រោងឆ្នឹង បានដេកស្លាប់នៅក្នុងចំការដំឡូងមីក្បែរជើងភ្នំ តែបាត់ប្រអប់ជើងទាំងសងខាងទៅហើយ។ក្រុមគ្រួសារជនរងគ្រោះ បានប្រាប់ឱ្យដឹងថា ជនរងគ្រោះមានគូដណ្ដឹងជិតដល់ថ្ងៃចូលរោងការទៅហើយ។ ហើយជនរងគ្រោះបានបាត់ដំណឹងពីផ្ទះជាងមួយខែកន្លងមកហើយ មុនពេលប្រទះឃើញក្លាយជាសាកស.ពនៅក្នុងចំការដំឡូមីនេះ តែសាច់ញាតិមិនបានប្រាប់ពីមូលហេតុដែលនាំឲ្យជនរងគ្រោះចាកចេញពីផ្ទះនោះទេ។ សាច់ញាតិជនរងគ្រោះ ត្រូវបានគេស្រង់សំដីថា យន់ រីណា បានបាត់ខ្លួនពីផ្ទះតាំងពីយប់ថ្ងៃទី៣១ ខែតុលា កន្លងទៅនេះ ហើយគ្មានដំណឹងទេ សូម្បីតែទូរស័ព្ទក៏មិនអាចទំនាក់ទំនងបានដែរ។ ក្រោយពីគ្មានដំណឹង ក្រុមគ្រួសារក៏បានទៅដាក់ពាក្យបណ្ដឹងនៅប៉ុស្ដិ៍រដ្ឋបាល អំពីការបាត់ដំណឹងនេះ។ លុះនៅរសៀលថ្ងៃទី១០ ខែធ្នូ ស្រាប់តែមានគេផ្ដល់ដំណឹងថា គេបានប្រទះឃើញឈ្មោះ រីណា ស្លា.ប់សល់តែគ្រោងឆ្អឹងនៅក្នុងចំការដំឡូង ក្បែរជើងត្រង់ចំណុចខាងលើ ទើបមានការភ្ញាក់ផ្អើលទៅមើល គឺពិតជាឈ្មោះ រីណា មែន។
លោក ហេង បារាំង អធិការស្រុកភ្នំព្រឹក បានថ្លែងប្រាប់ថា ក្រោយពីបាត់ខ្លួនដំបូង ក្រុមគ្រួសារជនរងគ្រោះពិតជាបានដាក់ពាក្យបណ្ដឹងឲ្យសមត្ថកិច្ចជួយស្រាវជ្រាវមែន តែកាលណោះយើងមិនដឹងពីមូលហេតុនៃការបាត់ដំណឹងនេះទេ សូម្បីតែក្រុមគ្រួសារក៏មិនបាននិយាយច្បាស់លាស់ដែរ។ ចាប់តាំងពីថ្ងៃបាត់ខ្លួន គឺជនរងគ្រោះគ្មានដំណឹងរហូត។ លុះនៅរសៀលថ្ងៃទី១០ ខែធ្នូនេះ ស្រាប់តែឈ្មោះរីណា ត្រូវអ្នកធ្វើចំការប្រទះឃើញក្លាយជាសាកសពសល់តែគ្រោងឆ្អឹងនៅក្នុងចំការដំឡូងទៅហើយ។
ក្រុមគ្រួសារជនរងគ្រោះ ហាក់ពុំដឹងពីមូលហេតុដែលនាំឲ្យជនរងគ្រោះចាកចេញពីផ្ទះបាត់ដំណឹងសូន្យឈឹងនោះទេ។ ប៉ុន្តែបើតាមនារីដែលជាគូដណ្ដឹងរបស់ជនរងគ្រោះ បានរៀបរាប់ប្រាប់ថា នៅថ្ងៃទី៣១ ខែតុលា (ថ្ងៃបាត់ខ្លួន) គូដណ្ដឹងរបស់នាង (ជនរងគ្រោះ) បានមកជួបនាង ហើយពេលនោះក៏មានការទាស់ពាក្យសំដីគ្នាមួយប្រាវផង។
លោកអធិការរូបនេះ បានស្រង់សំដីគូរដណ្ដឹងជនរងគ្រោះទៀតថា ក្រោយពីមានជម្លោះគ្នារួច គូដណ្ដឹងរបស់នាងហាក់ខឹងសម្បា រួចក៏ចាកចេញទៅបាត់រហូត។ ក្រោយមក នាងក៏បានព្យាយាមទំនាក់ទំនងតាមទូរស័ព្ទ តែទូរស័ព្ទគូដណ្ដឹងរបស់នាងត្រូវបានបិទទាក់ទងមិនបានឡើយ រហូតដល់ថ្ងៃទី១០ ខែធ្នូនេះ ស្រាប់តែគេប្រទះឃើញស្លា.ប់នៅក្នុងចំការដំឡូងតែម្តង។
យ៉ាងណាក្ដី នៅព្រឹកថ្ងៃទី១១ ខែធ្នូ កម្លាំងសមត្ថកិច្ចជំនាញ បានចុះទៅកាន់កន្លែងកើតហេតុ ដើម្បីត្រួតពិនិត្យសាកស.ព និងកន្លែងកើតហេតុ។លោក ហេង បារាំង បានបញ្ជាក់ថា ស្ថានភាពសាកសពនៅសល់តែគ្រោងឆ្អឹង តែបាត់ប្រអប់ជើងទាំងសងខាង។ ប៉ុន្តែលោកមិនទាន់ហ៊ានសន្និដ្ឋានបែបណាអំពីមូលហេតុ នៃការស្លា.ប់របស់ជនរងគ្រោះរូបនេះនៅឡើយទេ។ ព្រោះពេលនេះ មន្ត្រីបច្ចេកទេសកំពុងតែពិនិត្យ និងធ្វើកោសល្យវិច័យនៅឡើយ។ ប៉ុន្តែលោកបានបញ្ជាក់ថា នៅកន្លែងកើតហេតុ ពុំមានបន្សល់ទុកវត្ថុតាងដែលគួរឲ្យសង្ស័យទេ ក្រៅពីគ្រោងឆ្អឹងសាកស.ព។
ព័ត៌មានបឋមចុងក្រោយ ត្រូវបានគេបង្ហើបឲ្យដឹងថា ជនរងគ្រោះមានបាក់ភ្លៅមួយចំហៀង ដែលគេសង្ស័យអាចជាអំពើឃាតកម្មសម្លាប់ រួចដឹកសាកសពយកទៅបោះចោលក្បែរជើងភ្នំនោះ៕
