មេបញ្ជាការកងទ័ពជើងគោក និងលោកជំទាវ ឧបត្ថម្ភសម្ភារៈប្រើប្រាស់ ដល់តំបន់ប្រតិបត្តិការសឹករងបន្ទាយមានជ័យ
ភ្នំពេញ៖ នាថ្ងៃទី៧ ខែធ្នូ ឆ្នាំ២០២២ សម្ភារៈប្រើប្រាស់ដែលជាអំណោយរបស់ ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក និងលោកជំទាវ រួមមាន គោយន្ត ចំនួន ៤គ្រឿង ម៉ូតូ ចំនួន ១២គ្រឿង ទូកម៉ាស៊ីន ចំនួន ២គ្រឿង ត្រូវបានប្រគល់ជូនដល់អង្គភាពចំណុះតំបន់ប្រតិបត្តិការសឹករង បន្ទាយមានជ័យ តាមរយៈក្រុមការងារ ឯកឧត្តម មេបញ្ជាការ កងទ័ពជើងគោក នៅទីបញ្ជាការតំបន់ប្រតិបត្តិការសឹករង បន្ទាយមានជ័យ។
ក្នុងនាម ឧត្ដមសេនីយ៍ត្រី ជឹម ប៊ុនអាន មេបញ្ជាការ ជំនួសមុខឲ្យ នាយទាហាន នាយទាហាន រង និងពលទាហាន តំបន់ប្រតិបត្តិការសឹករងបន្ទាយមានជ័យ សូមគោរពថ្លែងអំណរគុណ យ៉ាងជ្រាលជ្រៅ ជាទីបំផុតចំពោះ ឯកឧត្តម ឧត្ដមសេនីយ៍ ឯក ហ៊ុន ម៉ាណែត និងលោកជំទាវ ដែលបានផ្ដល់អំណោយដ៏ថ្លៃថ្លា នាពេលនេះ ឯកឧត្តម ឧត្ដមសេនីយ៍ឯក អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក និងលោកជំទាវ ដែលតែងតែគិតគូរពីសុខទុក្ខរបស់ នាយទាហាន នាយទាហានរង ពលទាហាន គ្រួសារកងទ័ព ពិសេសប្រជាពលរដ្ឋជួបការលំបាក និងទទួលរងគ្រោះដោយធម្មជាតិផ្សេងៗ៕
