គ្រោះថ្នាក់ចរាចរណ៍ផ្លូវគោកទូទាំងប្រទេស កើតឡើងចំនួន ១០លើក បណ្តាលឲ្យមនុស្សស្លាប់ ៦នាក់ រងរបួស ១១នាក់
ភ្នំពេញ៖ យោងតាមរបាយការណ៍ទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសប្រចាំថ្ងៃទី៣០ ខែវិច្ឆិកា ឆ្នាំ២០២២ (គិតពីម៉ោង១៤៖០០ ថ្ងៃទី២៩ ដល់ម៉ោង១៤៖០០នាទី ថ្ងៃទី៣០ ខែវិច្ឆិកា ឆ្នាំ២០២២) ពីនាយករដ្ឋាននគរបាលចរាចរណ៍ និងសណ្តាប់ធ្នាប់សាធារណ នៃអគ្គស្នងការដ្ឋាននគរបាលជាតិ បានឲ្យដឹងថា មានគ្រោះថ្នាក់កើតឡើងចំនួន ១០លើក (យប់៦លើក), បណ្តាលឲ្យមនុស្សស្លាប់ ចំនួន ៦នាក់ (ស្រី១នាក់), រងរបួសសរុបចំនួន ១១នាក់ (ស្រី៥នាក់), រងរបួសធ្ងន់ ចំនួន ៧នាក់ (ស្រី៣នាក់), រងរបួសស្រាល ៤នាក់ (ស្រី២នាក់) និងមិនពាក់មួកសុវត្ថិភាព ចំនួន៨នាក់ (យប់ ៤នាក់)។
តាមរបាយការណ៍ដដែលបន្តថា មូលហេតុបណ្តាលឲ្យកើតមានគ្រោះថ្នាក់រួមមានៈ ល្មើសល្បឿន ចំនួន ៣ករណី, មិនគោរពសិទ្ធិ ចំនួន ៤ករណី, មិនប្រកាន់ស្តាំ ចំនួន ១ករណី, បត់គ្រោះថ្នាក់ ចំនួន ១ករណី និងស្រវឹង ចំនួន ១ករណី៕
