លទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោកថ្ងៃទី២៨ វិច្ឆិកា រកឃើញយានយន្តល្មើសចំនួន ១៣៤គ្រឿង
ភ្នំពេញ៖ យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក នៅថ្ងៃទី២៨ ខែវិច្ឆិកា ឆ្នាំ២០២២ បានឲ្យដឹងថា ចំនួនគោលដៅសរុប ១៣៨គោលដៅ មានយានយន្តចូលគោលដៅចំនួន ១.៨៣២គ្រឿង ក្នុងនោះ រថយន្តធំ ៧គ្រឿង រថយន្តតូច ២០០គ្រឿង និងម៉ូតូចំនួន ១.២២៥គ្រឿង រកឃើញយានយន្តល្មើសសរុបចំនួន ១៣៦គ្រឿង រថយន្តធំ ២គ្រឿង រថយន្តតូច ៨គ្រឿង និងម៉ូតូចំនួន ១២៤គ្រឿង ត្រូវបានផាកពិន័យតាមអនុក្រឹត្យលេខ៣៩.អនក្រ.បក នៅទូទាំងប្រទេស។
ដោយឡែកក្នុងរយៈពេល២៨ថ្ងៃ(ថ្ងៃទី០១-២៦៨ ខែវិច្ឆិកា) ការរឹតបន្ដឹងការអនុវត្តច្បាប់ស្ដីពីចរាចរណ៍ផ្លូវគោក យានយន្តចូលគោលដៅមានចំនួន ៤៨.៦៦៥គ្រឿង រថយន្តធំ ២៧៩គ្រឿង រថយន្តតូច ៦.០៦៩គ្រឿង និងម៉ូតូ ៤២.៣១៧គ្រឿង ក្នុងនោះរកឃើញយានយន្តល្មើសសរុបចំនួន ៤.៦៤៩គ្រឿង រថយន្តធំ ១០២គ្រឿង រថយន្តតូច ៥៧៧គ្រឿង និងម៉ូតូ ៣.៩៧០គ្រឿង ត្រូវបានផាកពិន័យតាមអនុក្រឹត្យលេខ៣៩ អនក្រ.បក នៅទូទាំងប្រទេស ។
របាយការណ៍ដដែលបានវាយតម្លៃរយៈពេល២៨ថ្ងៃ នៃខែវិច្ឆិកានេះ ឃើញថា ការអនុវត្តតាមអនុក្រឹត្យ ការផាកពិន័យយានយន្តល្មើសបានដំណើរការទៅយ៉ាងល្អប្រសើរ ទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្បាប់ចរាចរណ៍យ៉ាងល្អប្រសើរ ៕
