ឧកញ៉ា ចាន់ សុឃាំង ក្លាយជាប្រធានសហព័ន្ធស្រូវអង្ករកម្ពុជា អាណត្តិទី៤ ខណៈឧកញ៉ា សុង សារ៉ន ក្លាយជាប្រធានក្រុមប្រឹក្សាភិបាល
ភ្នំពេញ៖ ឧកញ៉ា ចាន់ សុឃាំង ក្លាយជាប្រធានសហព័ន្ធស្រូវអង្ករកម្ពុជា សម្រាប់អាណត្តិទី៤ ខណៈឧកញ៉ា សុង សារ៉ន ក្លាយជាប្រធានក្រុមប្រឹក្សាភិបាល សហព័ន្ធស្រូវអង្ករកម្ពុជា ។
ក្នុងសន្និបាត និងការបោះឆ្នោតជ្រើសតាំងប្រធានក្រុមប្រឹក្សាភិបាល ប្រធានសហព័ន្ធ និងសមាជិកក្រុមប្រឹក្សាភិបាល សម្រាប់អាត្តិទី៤ កាលពីថ្ងៃទី២៣ វិច្ឆិកា ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បញ្ជាក់ថា ចំពោះលទ្ធផលនៃការរៀបចំបោះឆ្នោត ដែលបានរៀបចំឡើងដោយ គណៈកម្មាធិការបស់ក្រសួងពាណិជ្ជកម្ម មានលទ្ធផល ដូចខាងក្រោម៖
+ចំនួនសមាជិកចូលរួមចំនួន ១៣៣ រូប បានបោះឆ្នោតជ្រើសរើស និងទទួលលទ្ធផលដូចខាងក្រោម៖
-ប្រធានសហព័ន្ធស្រូវអង្ករកម្ពុជាអាណត្តិទី៤ បានទទួលទៅលើ ឧកញ៉ា ចាន់ សុឃាំង ទទួលបានសំឡេង ១២៨សម្លេង
-ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានទទួលលើ ឧកញ៉ា សុង សារ៉ន បានសំឡេង ២៤ លើ ២៥រូប នៃចំនួនក្រុមប្រឹក្សាភិបាលទាំងអស់
-សមាជិកក្រុមប្រឹក្សាភិបាលចំនួន ២៥រូប ដែលទទួលបានបោះឆ្នោតទទួលបានសំឡេងគ្រាំទ្រពីសមាជិក
-សមាជិកក្រុមប្រឹក្សាភិបាលចំនួន ៣រូប ដែលបានជ្រើសរើសដោយសហគមន៍
-ដើម្បីឱ្យសហព័ន្ធកាន់តែមានគុណភាពការងារ សហព័ន្ធបានរៀបចំនូវក្រុមប្រឹក្សាភិបាលផ្តល់យោបល់ និងគោលនយោបាយ ដែលមានសមាភាពចម្រុះចំនួន ៩រូប ។
