នាយឧត្តមសេនីយ៍ សៅ សុខា អញ្ជើញចុះត្រួតពិនិត្យតាមគោលដៅការពារកិច្ចប្រជុំរដ្ឋមន្ដ្រីការពារជាតិអាស៊ាន ដែលប្រព្រឹត្តនៅទឹកដីខេត្តសៀមរាប នាអាទិត្យក្រោយ

សៀមរាប៖ លោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស លោកបានចុះត្រួតពិនិត្យតាមបណ្តាគោលដៅការពារនានា

សូមគូសបញ្ជាក់ថា ក្រសួងការពារជាតិកម្ពុជា នឹងរៀបចំធ្វើជាម្ចាស់ផ្ទះកិច្ចប្រជុំចង្អៀត រដ្ឋមន្ត្រីការពារជាតិអាស៊ាន [ADMM-Retreat-កិច្ចប្រជុំរដ្ឋមន្ដ្រីការពារជាតិអាស៊ាន-បូក លើកទី៩ /9th ADMM-Plus] និងកិច្ចប្រជុំពាក់ព័ន្ធ ចាប់ពីថ្ងៃទី២១ ដល់ថ្ងៃទី២៣ ខែវិច្ឆិកា ឆ្នាំ២០២២ នាក្រុងសៀមរាប នៃខេត្តសៀមរាប។

បើតាមលោក មាស វត្ថា នាយការិយាល័យអប់រំផ្សព្វផ្សាយ បានបញ្ជាក់ឲ្យដឹងថា លោកនាយឧត្តមសេនីយ៍ សៅ សុខា លោកបានចុះពិនិត្យតាមគោលដៅ រួមមាន៖ នៅសណ្ឋាគារ សុខាសៀមរាប. គោលដៅបន្ទាយមូលដ្ឋានកងរាជអាវុធហត្ថក្រុងសៀមរាប, គោលដៅសណ្ឋាគារ FCC. និងគោលដៅសណ្ឋាគារ ផាក យ៉ាត សៀមរាប. រួមទាំងគោលដៅនៅសណ្ឋាគារ ហ្រ្គេន ហូតែល ផងដែរ។

លោកមាស វុត្ថាបានបញ្ជាក់ទៀតថា បន្ទាប់ពីការចុះត្រួតពិនិត្យតាមបណ្តាគោលដៅត្រូវបានបញ្ចប់ លោកនាយឧត្តមសេនីយ៍ សៅ សុខា ក៏បានជួបជាមួយគណៈប្រតិភូ មហាសន្និបាទសហព័ន្ធបាល់ទាត់អាស៊ាន លើកទី២៩ ឆ្នាំ២០២២ នាប្រសាទក្រវ៉ាន់។

សូមញ្ជាក់ថា កិច្ចប្រជុំនេះរដ្ឋមន្ដ្រីការពារជាតិអាស៊ាន នឹងដឹកនាំប្រជុំដោយសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីការពារជាតិ និងជាប្រធានកិច្ចប្រជុំរដ្ឋមន្ត្រីការពារជាតិអាស៊ាន និងប្រជុំពាក់ព័ន្ធ ឆ្នាំ២០២២។ កិច្ចប្រជុំចង្អៀតរដ្ឋមន្ត្រីការពារជាតិអាស៊ាន នឹងផ្តោតជាសំខាន់លើការផ្លាស់ប្តូរទស្សនៈ ស្តីពី [ការលើកកម្ពស់កិច្ចសហប្រតិបត្តិការការពារជាតិ ដើម្បីពង្រឹងសាមគ្គីភាពសម្រាប់សន្តិសុខប្រកប ដោយភាពសុខដុម]។។